網民不滿移英人士影衰香港人 列出6大罪行
1無禮貌 從不主動打招呼
網民表示移英港人害怕與人眼神接觸。當他們與人有眼神接觸時,第一反應會迴避,甚至扮看不到,以致給人感覺無禮貌。其次,他們甚少主動打招呼和微笑,即使出門撞到鄰居也不出聲。有網民例舉例子「基本上行路人哋讓佢哋行先又唔識講thank you」、「去超市推住架車仔又唔睇下有冇阻住人睇嘢就咁pat 架車喺貨架面前,人哋行到埋去仲未識推返開架車仔剩係眼望望等人開口,甚至由x啲細路推嚟撞到人sorry 都冇句嗰啲。」。
2 係公眾場合大大聲講野
此外,網民指出移英港人說話音量十分大。由於廣東話音節較其他語言宏亮,聽起來會比較吵。再加上當人較興奮的時候,音量會更加高。有網民表示「香港人大部份都係支支喳喳嘈冤巴閉, 好似唔講野會死咁」、「成日見到,搭tube/喺餐廳,大大聲講嘢講到周圍啲人都望,都仲未識死繼續嘈。仲有喺街度大大聲鬧仔/情侶鬧交呢啲失禮嘢,見唔少,勁核突。」。
3唔識傾計 不斷講自己嘢
網民表示移英港人不懂與當地人溝通。由於港人不熟悉地道文化和語言,有時會出現尷尬的沈默。有網民十分認同並表示「香港英文教育停留喺80年代,出到嚟一句客套說話一句practical 啲嘅野都唔識講」。其次,很多港人與本地人溝通時都會談及香港政治或沒有共鳴的話題,導致話題難以延續。
4.毫無幽默感 令到氣氛勁尷尬
外國人向來風趣幽默,但網民表示移英港人很多時候都理解不到外國人的幽默。甚至會認真回答,導致氣氛十分尷尬。網民更舉出尷尬的例子「有次大家講笑,例牌無野講就x下英國天氣差、野食難食,跟住有條友即刻跳出嚟辯護,話英國炸魚薯條正呀,天氣唔熱呀之類。即刻氣氛尷尬,大家你眼望我眼 繼續扒飯」。不過有網民亦表示「黑色幽默嗰啲好難勉強,真係會有好多人唔明」。
5.唔識當地餐桌禮儀
網民表示移英港人不清楚當地餐廳的禮儀,經常沒有得到餐廳員工的指示便直接走進餐廳坐下。其次,網民表示英國餐廳下單和結賬時只需要「打眼色」,但移英港人經常舉手呼叫服務員,令人感到催促的感覺。亦有網民表示移英港人用餐時經常玩手機和交換碟分享食物,令人感覺不受尊重和不禮貌。
6.改唔到心急心態 行路橫衝直撞
香港向來生活節奏很快,路上行人也是帶著急速的步伐。網民表示移英港人並沒有入鄉隨俗, 當「前面班人行慢少少就開始焦慮」,甚至會「越行越埋」並且「夾硬插入去」。有時,他們更會「行到半路突然煞車,然後企係路中心成個x仔㩒手機地圖」,以致阻礙其他行人。
不少網民都紛紛表示認同,並呼籲移英港人應好好學習當地文化。