乘客爭＄3的士錢 司機爆粗鬧足全程 網民怒轟：恰細路就叻

爭3蚊 士司機即鬧爆

有網民將一條約一分鐘的車cam片放咗上facebook群組，引起網民熱討。車cam片係一名年輕乘客與的士司機的對話，當時年輕乘客似乎係到步後俾錢時先發現自己唔夠錢，就同司機講「司機我爭3蚊」，然後的士司機明顯立即表現不滿講晒粗口回應「「無X嘢呀？八達通呀！」，年輕男子表示自己無八達通後，的士司機即大鬧「x你xx，我車x返你落去！你條x樣真係…」然後即刻關上已開的車門往返。

車返原地鬧足全程仲要俾錢！

的士司機一路往返一路用粗口狂鬧個年輕乘客「x你老x，你個x樣真係…」「x你老x，喺啲咁嘅x地方，叫人車你上嚟仲話爭＄3，你係咪傻x咗呀？」「我真係x你xx」「好x意思你真係」一分鐘片段無停過咁鬧，年輕乘客就一路無出聲，影片最後仲話俾司機鬧完一輪仲要俾埋身上＄26先可以落車。

網民意見兩極：＄3睇到咁大！

普遍網民認為「3蚊看到咁L大呀」「dc9爆粗鬧人係違法，咁大個人, 細路差三蚊都咁睇唔開」「Dc9係咁上下質素」「原片主仲好意思post出嚟」「DC9真係無改錯。平時92蚊車錢，客人比100唔洗找，果度都有油水啦，個後生差3蚊，山水有相逢啊。」「返去上車地點點解仲要畀$26」「講x晒粗口 就以為自己岩晒」雖然如此，都有人認為個始終個乘客真係唔夠錢俾，又唔講聲對唔住「如果個男仔能夠講聲對唔住，特別係講自己欠3蚊或冇八達通時，或者情況會唔同」「比少3蚊仲可以坐夠來回, 𡃁仔賺到啦」「爭錢好心自己諗下計點樣補足車資，即使係一陣畀都好。一句『無呀』就想的士佬硬食，今日你唔係爭3蚊，係爭30蚊又點計呢，兩邊都有問題「payme/fps/八達通，以前甚至試過叫司機畀個銀行no.我，即日入數，呢d野都要人教？」

睇片：