港女OL黑絲短裙行大東山！比瑜伽褲更癲！

比瑜伽褲更癲！港女OL短裙黑絲征服大東山！

近日在Facebook群組「 香港行山新手交流區」 中有人出post，提及自己星期日（13日）早上由南山出發前往伯公坳影芒草，事主形容當日陽光普照，天氣十分炎熱，而且一路上都有不少行山客，約下午2時於伯公坳目睹一名女士穿着長袖衫配短裙再加上黑絲及中筒靴，並提着手挽袋及外套行上大東山方向，樓主睇見都直言：「真係O晒嘴，佩服」。

網民佩服港女著OL裝！

對於呢位港女OL能夠在炎熱的天氣都穿著OL裝束行大東山，其照片都引來唔少網民的討論，不少網民都對於該位OL的裝束感到佩服，並指：「佢呢個行裝都行到咁自在，證明呢位小姐層次好高」，又笑言「好過返工着瑜伽褲」。但有人認為大家少見多怪，「唔着鞋行山我都見過，大驚小怪」、「大東山着成咁有幾出奇，十成係去打卡芒草」、「香港大把人打卡大過天」、「即興一齊行上去少少影張相便落返山，見過唔少，着婚紗都見過」、「曾經喺赤徑往大浪灣見到有位女士着住高跟鞋」。

港女著到咁係有原因？

亦都有網民十分好奇該名港女著如此裝束行山的理由到底是什麼，「明明話去拍拖，點知被夾住去行山」、「攞份單上山頂畀個客簽名」、「可能住在山上石屋，放工返屋企啫」、「會唔會係某老細嘅跟班，或者秘書」、「上大東山頂見工？」。不過都有自稱當日在同一地方的網民表示，遇到一幫人幫品牌上山拍攝，「見到問咗兩句，見到佢哋咁嘅裝備，見到都擔心」。

重溫Coffee舉行30日著瑜伽褲挑戰

Coffee早前特意出一個post討論關於瑜伽褲之問題，內文如下：

我有嘢講
係香港女仔著leggings 輿論一直冇減退過
好與壞各執一詞
某部份人更加將‘女仔着瑜伽褲’貼上壞標籤
但我唔明白點解着自己鍾意嘅衣著出街
都要俾人討論？
如果你覺得我哋着得唔靚又貼身又肥又露
難道我哋又一定覺得你嘅衣着好好睇？

我想講喺呢個世界上需要討好既人就只有自己
自己鍾意着咩出街唔到其他人理（只要合法）
既然點著都會被標籤既話
我著我嘅事，由我自己標籤
我決定嚟一個 ‘30days of leggings’
無論食飯行街去Event去買餸
任何諗得出嘅場合都着leggings(情況許可既話）
我要話俾所有人聽我鍾意着咩衫係我話事 唔係你

歡迎大家呢30日
每日都去我嘅IG Story highlight
睇我着唔同既瑜伽褲出街
（如果夠瑜伽褲嘅話）
我要為所有鐘意著瑜伽褲出街嘅女仔出返啖氣🤘🏽（包括我）

#本來我性格比較隨和
#但連我都忍唔住要出聲啦
#互相尊重

東方昇力撐！

網民對於Coffee大膽講出聲都感到尊重，十分多網民都支持Coffee的行為。就連「儒家褲」KOL東方昇都力撐：「儒家思想其中一個核心價值就係孝，著儒家褲有咩問題！！！」。首日挑戰Coffee則穿著瑜伽褲接放學，更有唔少女性響應挑戰，一同穿著瑜伽褲出街。