港男 Parkour KOL除剩底褲跳入迪士尼噴泉暢泳 網民意見兩極惹熱議！

港男 Parkour KOL除剩底褲跳入迪士尼噴泉暢泳 網民意見兩極惹熱議！

近日有一名港男前往迪士尼樂園，自言自己因為剛剛剪完頭髮，所以決定在園區的米奇噴水池中洗一洗個頭。他將衣服脫去，除剩底褲跳入其噴水池中洗頭，之後他索性整個人躺進水池中扮游水。

之後他更決定爬上噴水池的位置，任由水流沖洗自己的身體。事主在網上po出影片之後就獲得極大迴響，3日時間讚好數字已經突破9000，而不少網民都對於他在迪士尼的行為都議論紛紛。

網民意見兩極，有網民就支持他的做法，認為：「迪士尼係令人夢想成真嘅地方，你冇錯㗎喎」，「你做咗我細個好想做好耐嘅事情」，「青春呀」等等；不過都有網民反對其做法：「米奇就係咁樣俾你污染咗」，「理解唔到你做呢個行為嘅意義係邊，都係無非想出位」。亦有網民擔心其水流的衛生問題，直言：「個到又多蚊又多死水，仲要前排日日暴雨流，無皮膚病執返身彩。」，有網民就建議片主去睇一睇醫生安全。

翻查該名事主的IG，發現他平日都會從事極限運動Parkour的活動，以城市作為運動場所，用不同招式去在各種建築物之間穿梭。其中一條片他更是前往高樓大廈的吊臂中以單手做holding，的確幾有實力！