港男

返工第一日就諗住辭職? 港男新工獲加薪4成 首日返工驚見「翻天巨變」 急急求教網友應唔應該辭職

網絡熱話

港男|每年年頭年尾都有唔少打工仔會搵工跳槽,轉下環境之餘當然追求加人工,但日前就有位港男表示雖然人工有明顯加幅,理應「飲得杯落」,豈料返工第一日就遇到呢個「不得了」情況,立即令佢萌生去意,更上網在討論區尋找網友意見,問及應唔應該辭職好?

港男
(圖片來源:ViuTV)

港男|返工第一日就諗住辭職?

這位港男打工仔日前在LIHKG討論區分享返新工的經歷,新公司係一間小型公司,就算加埋老闆和港男自己,都只得5個人,即係有一個直屬上司和兩個跟港男同級的同事。

港男返新工 上司同事竟然同日Last Day

公司雖然細,但港男一朝早返到公司,感覺一切正常,到中午仲同上司和兩名同事一齊食Welcome Lunch,期間有講有笑,氣氛融洽。之後返到公司,上司就向港男交代接下來的工作,對港男未來有咩期望等等。

港男
(圖片來源:ViuTV)

直到下午4點幾,事情開始變得詭異。上司竟然同港男講,今日係港男第一日返工之餘,亦係上司和其餘兩位同事的Last Day,還囑咐港男以後要好好加油。上司的講法意味,公司原本3名打工仔都會一齊離職,只剩作為公司新人的港男和老闆,相信任何人聽見都會嚇一跳。港男在驚訝之餘,亦急忙問上司,係咪公司有啲咩問題?上司就話公司財務正常,他和兩名同事離職都係個人原因,而且老闆係個好人,特別叮囑港男要好好珍惜依份工。

港男
(圖片來源:ViuTV劇集《大叔的愛》劇照)

港男無端端變「最後生還者」 心想要唔要辭職

話雖如此,但港男從第二日開始就成為公司唯一受僱員工,難免會令人心荒荒,甚至萌生去意;他亦擔心就算留下繼續做,都可能留唔到好多時間,是否應該快點搵過另一份工,不過港男也提到,單計人工,新工較之前份工一下子多了40%,從2萬港元跳升至2.8萬港元,確實有其吸引之處。

港男
(圖片來源:ViuTV劇集《大叔的愛》劇照)

網友笑說港男返一日工就變第二把交椅

港男的不平凡遭遇分享到討論區後,隨即引發網友熱議。不少網友都笑稱,港男返了一日工,已經變成了「老屎忽」,係公司第二把交椅。還有網友打趣說,第日可能到老闆都辭職,這時候公司就會係港男所有。

港男
(圖片來源:ViuTV)
港男
(圖片來源:LIHKG討論區)

估計港男上司同事跳槽 但老闆挽留失敗

有網友估計這種詭異情況的成因,可能係3個人過檔其他公司,或者另起爐灶,只係老闆畀唔起錢挽留。但細公司肯大幅加薪請人,相信係預咗港男將要一個人頂幾個人的工作量。更加有網友話,試過做港男上司的這種角色,留到最後就係為公司請人頂替自己。

港男
(圖片來源:《大叔的愛》ViuTV香港版)

網友鼓勵港男艱難情況才易上位

不過,部分網友相對正面看待情況,認為在艱難情況才更容易上位;有人則半開玩笑講,可以趁公司無人之際,「跳草裙舞」遭老闆再加人工。

港男
(圖片來源:《大叔的愛》ViuTV香港版)
港男
(圖片來源:LIHKG討論區)

撰文:Yin圖片來源:大叔的愛劇照

YOU MAY ALSO LIKE ...