港男去旅行慘被淪為兵 網民：做咁多嘢都俾人Friend Zone
廣告
「條女很清楚收兵好過嫁人～」歌仔都有得你唱，香港不少歌手都推出過「兵歌」，而唔少港女都熱愛收兵，仲可能唔止一個。近日又有一名港男成功轉換成兵種，而港女亦選擇「公開處決」呢位兵仔，好慘！
港男去旅行慘被淪為兵 網民：做咁多嘢都俾人Friend Zone
近日一名港女於IG上傳一張與男性的合照，第一秒通常都會覺得該名男性應該是港女的另一半。不過在Caption中提及：「去旅行唔會嗌交嘅朋友又多一個。負責Book飛，帶路，碌卡計錢，影相同拎喼上樓梯嘅男人，單身女士唔好錯過。」。
最後一句雖然看似勁好心幫該名港男相親，但佢可能冇諗過對方可能愛的人就係佢！事件又再令人想起幾年前經典「畢業禮之兵」的故事，話說當年有一名大學生po出與一位同學的合照，在文字中提及：「他不是男朋友，卻比男朋友更親更重要。」，一句就將合照者同樣打落「兵之深淵」之中。
網民對於該名被處決的港男都感到十分同情，有唔少網民都身同感受。有些網民直言：「呢啲公開處刑真係好慘」、「入伍公告」、「唔打果段嘢都好地地」。不過都有網民鬧爆這類男性「做壞規矩」，又指做好自身的男人便不會驚冇女埋身。
都有網民針對港女的行為進行發言，認為有部分女性就是透過這類方式去展露自己的魅力，該行為去公開抬高自己，讓外界都知道自己係有人追。講到尾，其實都係一個Marketing的手法之一！
圖片來源：YouTube@FHProductionHK，連登，IG@tosiukiu
