港男呻公屋出世必成人生輸家：「用盡所有方法都成功唔到」
廣告
在香港，物價樓價都冠絕全球，後生一代要死慳死抵，先可能有機會俾得起首期。有人就認為排到公屋就係「人生贏家」，亦有人認為公屋出世的人，注定一世都會失敗。該議題都一直長存在香港，並無法解決。
港男呻公屋出世必成人生輸家：「用盡所有方法都成功唔到」
近日，有一名就讀大學4年級的學生出post，以「地址身家出身真係已經決定未來？」為題，指出自己為公屋背景，家人均沒有讀過書，事主靠自己入大學以及幫人補習賺生活費。事主更指：「本身都好想出人頭地，所以又要好辛苦咁兼顧freelance同gpa，同埋暑假都算做過ibank實習。」。
事主頹爆大呻命運
事主形容自己「搵工搵到成個人頹晒」，又指一些本身有家底的同事都十分輕鬆，更可以讀Master慢慢等市場好轉。他又指更有些同學因為有家庭背景，靠人脈都已經進入到好公司。頹爆表示「覺得自己已經用晒所有可用方法，都係成功唔到」，更指不會找到其他人幫忙，因為在學校師兄眼中並沒有利用價值，在同齡人眼中則是競爭對手，低年級師弟師妹眼中則未能明白自己的處境。
網民絕望認同：努力係唔值錢的
唔少網民睇完都深感同情，亦有同路人一起圍爐取暖。有網民對於現實已深感絕望，認為「 努力係唔值錢的 」，如果撞正對方是家境好，有努力既聰明，完全無法跟對方競爭，更道出了悲慘的事實：「你有嘅soft skill家境好嘅人都有，但家境好嘅人背後嘅勢力，你冇」。
有背景輕鬆搵工路
有網民分享身邊有家底的朋友，他們在親戚幫忙下便輕鬆找到intern，更有人直接找到全職工作。一般普通家庭出身的同學，一定要考取相對優秀的成績，先有機會獲得iBank的面試入場券。
家境好對醫科生冇幫助！？
不過都有網民提出家境好對於從事醫療行業沒有太大幫助，認為：「讀醫療科的確係窮人翻身最容易方法」。不過都有網民反駁：「父母係醫生既仔女，工作量會少啲，無人夠膽鬧你」，所以家境或多或少都有一定的幫助。
圖片來源：劇照
