港女光天化日iPhone 14 Pro被剪走！超高章手法搵返機會極微？
廣告
近日，香港都不時有傳出關於市區上發生的劫案又或者是交通意外，令到港人都人心惶惶。而香港亦曾經被譽為「最安全的地方」，不過近年似乎越來越不安全。昨日（3日），又有網民指自己經歷了一單在光天化日發生的劫案，令到網民聽完之後都大為吃驚。
港女光天化日iPhone 14 Pro被剪走！超高章手法搵返機會極微？
昨日（3日），有一名女網民於Facebook群組「香港失物報失及認領群組」上開post指自己被盜竊的經過，她指在5月1日晚上約8點半左右，於旺角街頭被剪走身上的iPhone 14 Pro紫色 256GB，當時雖然已經即時報警但亦沒有用。而事主都指自己已經將機鎖上，並利用「尋找」功能發現其手機位於旺角先達附近。事主都直言手機只用了4個月，希望有機會能夠尋獲。由事主的照片可見，其iPhone是由一條斜孭手機繩連接住，而手機連接處末端被剪走。
事主遇上小偷高手
不少網民都認為今次偷手機的賊人手法純熟，似係一名慣犯，網民都直言：「我出街見過好多女仔用呢啲繩掛iPhone，係靚，可惜太易比賊偷，唔敢買」，「就算布條，喺街要剪斷都唔容易，好恐怖！」、「專業㗎，帶齊架生」、「磚財呀！應該好利嘅細刀片仔」、「果塊野好薄，會唔會斷咗呀？剪咗咁大動作，你都感覺唔到？」。
Lock機都冇用！？
都有網民分享自己試過被偷電話，仲指賊人通常都是「上面落嚟嘅人」，「我朋友直頭試過俾人伸手入衫袋偷，出得嚟揾食都係高手」、「係上面人落嚟做案，我屋企人俾兩人撞一前一後剪金鏈」，「14紫真喺好引賊， 我果部用左剛好一個月就被偷， 3月中喺花展內⋯cls」。亦有網民分享指自己家人試過被搶手機，轉個頭手機已經出現在先達，就算是Lock機都已被解鎖，直言所有資料都被消毀，「無晒backup，所有相都無晒，報警同報Apple ，最後只係Apple store將買現金咭條數免咗」。
網民認為報警最有用
粗過有網民認為報警都為最好方法，並指試過拉到賊人，但手機卻已經被賣走，「我被人偷電話個次，係有拉到個賊，但部機已經賣咗，追唔番，唔系個個case都追得㗎」、「我報過！冇用！ 佢地話冇證據證明邊個人偷咗你部電話」。
圖片來源：FB@香港失物報失及認領群組，YT@MacCrunch
