港女搭「霸王的」老屈司機 警察一到態度即變！
港女搭「霸王的」老屈司機 警察一到態度即變！
近日有一名司機在Facebook群組中post出影片，並以「你每月搭一仟萬的士關我鬼事咩，而家搭車你就係要畀錢啦」為題。當中女乘客指自己沒有攜帶現金，所以希望落車返屋企拎錢，司機則擔心對方走數，女子態度大變並指：「你唔好玩我啦，好唔好。」 ，司機隨即回應「我無玩你，你自己清醒回吓帶先啦，睇吓自己做過啲乜先啦。」，「我問你攞錢，你無畀錢我，我唔報警，點玩你，又話我非禮，又話我強X，又話我脅持，咁樣叫我玩你，依家報咗警，唔緊要啦。」。
西客態度依舊
女乘客聽見報警後態度依舊，並指「唔緊要啦，慢慢等。」，的士司機再表示：「大家講道理㗎嘛，啱唔啱呀？妳去玩求開心，我做生意㗎，咁我冇錢收咁點呀？」、「我頭先喺妳屋企門口㗎，咁妳冇錢畀我話返上屋企喎，咁如果個個客咁樣，咁我唔使做啦，返咗屋企我邊度揾妳呀？」。
警察到場 港女態度大變
警察到場後，女子隨即演員上身，以哭腔向警員表示：「我每一日都call， 每一個月係搭一萬的士，你可以揾邊個叫做黎小姐，無任何一個的士台唔識我，係呢一個的士司機……」、「我好多錢呀，我喺成個的士司機、成個台，無一個台唔識我。」、「我一個月搭萬幾蚊的士……我一個月搭萬幾蚊，我有固定職業，我係今日先撞正呢個瘟神，我真係日日都搭的士。」。
女警反擊港女：唔認識你好正常
其後該女子父親到場為女兒付車費，一名女警隨後向女子表示：「認真，香港好多的士司機，佢唔認識你好正常，佢唔會查每個客坐萬幾蚊的士。」女警這時叫女子父親付車資，該女子即反問：「吓，仲要畀錢佢？」女警即指：「你都未畀車資。」女警陪著該女子下車，女子即收起可憐神態，以粗口咒罵司機，「轉頭撞車死」。
網民怒轟女乘客
網民對於該名女乘客的劣行都感到不滿，怒斥對方為「西客」，又指：「今次之後真係嗰個的士佬都識你」、「佢一係有情緒問題，一係Hi左嘢，不過幾X好戲」。都有同行表示：「我果次俾條女乘客話去OK便利店攞錢找車資，結果一去冇回頭。你報警係正確的」。
