有車唔搭堅持行路? 男友寧願由旺角行到尖沙咀先上車 港女呻每次出街都好攰

撰文：Yin｜圖片來源：香港討論區截圖

港女樓主日前在香港討論區發帖，題為「男朋友有車唔搭 係都要行路…」，大呻與男朋友拍拖的奇怪事。樓主披露，近日與男朋友在旺角食晚飯後，她原本打算直接搭巴士返屋企，但是男朋友提議步行去尖沙咀才搭巴士。港女大感不是味兒：「返咗成日工，食完飯，真係唔想早啲返屋企沖涼瞓覺咩？點解係都要行成兩個地鐵站，仲要都係搭返同一架車…」

港女曾表達好攰 但未獲認真看待

港女樓主續指，男朋友這種行路的要求已經不是第一次，她也曾經直接向對方提出：「好攰，唔想行，可唔可以直接搭車返屋企？」但是男朋友似乎沒有把樓主的抱怨認真看待，只是回應「食飽，行下健康啲喎」。

樓主表示，雖然不反對「食飽行下」對身體好，只是返了一整日工，真係好攰，好想快點返屋企休息。假如間中這樣行，她可以勉強接受，但原來每次出街，男朋友都是要求這樣行，令她覺得好攰，直呼：「我真係唔鍾意行路呀！」

網友：多做運動好 爭取相處時間

對於樓主的抱怨，網友意見兩極，有人支持樓主男朋友，認為多行路可以減肥；也有網友認為，男朋友此舉其實只是為了讓大家多點時間相處。

感情問題一律建議分手?

部分網友則採取「感建分」態度，感情問題一律建議分手，雙方不適合的話就早日分手。

第三個選擇：一人讓一步

當然，凡事不應該只有黑和白的兩種答案，有時候也可以折衷，一人讓一步，亦可以選擇在屋企附近食飯，減少要行路再搭車的情況發生。

日行1萬步 只是以訛傳訛的誤會?

另外，有網友就針對多行路會健康一點的說法，提出質疑，特別是食飽之後馬上不斷行路，會分散了原本用於消化的能量。其實在去年，台灣消化外科醫生郭彥良便提出「別再糾結日行1萬步」，認為這只是理性解讀為行路的人比懶人健康苗條。

因為所謂「日行1萬步」，實際上只是日本一家公司1960年代為了售賣一件類似計步器的健身裝置而構思的口號，隨著產品熱銷，宣傳口號也變得家喻戶曉。當然，「日行1萬步」有助健康也並非無中生有，過去曾經有研究指，假如每天行走步數由4,000步增加到1萬步，便可以燃燒多大約500卡路里。

郭彥良認為，養成每日快步行30分鐘，或分3次進行，每次10分鐘，才更有助減重消脂。而日本醫學博士青柳幸利亦在去年的《日經Gooday》提出，日步1萬步未必一定好，並建議每日行走8,000步和20分鐘的中強度運動。