港女著瑜伽褲返工慘遭老細訓話3小時 全因為一個原因！
廣告
近年唔少女性都熱愛穿著瑜伽褲作為穿搭利器，雖然外界唔少都會抨撃一些單穿瑜伽褲出街的女性，不過都有唔少人力撐著瑜伽褲的女生，支持穿衣自由。
港女著瑜伽褲返工慘遭老細訓話3小時 全因為一個原因！
對於著瑜伽褲出街的呢一個熱潮，相信唔少女生都有買返條瑜伽褲旁身。近日有一名港女在討論區上以「今日着咗條瑜珈褲返工，之後畀老闆訓話咗三個鐘」為題，當中指自己「唔明有咩問題」，而在內文則提及自己在上班途中因為穿著瑜伽褲而慘被老細訓話。
一個原因而遭老細訓話！
事主再解釋，老闆要求事主在穿瑜伽褲時要打底，事主直言：「原來着瑜珈褲要打底。唔怪之得俾老細訓話咗三個鐘…但打底會好熱，算，理得佢」。事件引起網民激烈討論，有網民笑言：「老細話你打咗底，咁都唔明」、「妳老細應該想睇耐啲啫」、「係咪你無搭配好」。亦有網民不理解樓主為何穿瑜珈褲上班：「唔炒妳算係咁」、「賣肉定返工」。
網民質疑事件真偽
不過都有網民質疑事件的真偽，直指「老細好得閒？」、「老作，老細咁得閒3個鐘對住妳？」。仲有網民認為事主係男人，笑稱：「「男人老狗，着瑜珈褲返工真係惡頂喎」、「男人著瑜珈褲！」，但樓主否認並不滿反駁：「唔好煩啦，我無雀架」。
圖片來源：IG
