港女為慳錢深圳租$2,200單位（多圖） 大讚夠晒勁好住！
廣告
香港地租貴也不是第一日之事， 每個月租金都閒閒地過萬。有人為了慳租，都無奈只能租舊樓又或者是劏房。不過有港女就諗頭大開，為了慳錢慳到盡，不惜成為「跨境打工仔」，於深圳用平價租樓，仲大讚勁正。
港女為慳錢深圳租$2,200單位 大讚夠晒勁好住！
近日，有一名港女於Facebook群組「深圳大灣區吃喝玩樂開心分享區」分享自己的「租樓經」，她提及因為職業關係，很多時候要來往港島以及深圳。幾年前於珠海辦理居住證後，就開始想將搬到深圳居住。近日終於行動，單人租下位於福田口岸，面積大約為25平方米（約270呎）的單位。因為怕低層會太嘈吵，所以決定加少少錢租較高樓層，月租為$1,900人民幣（約港幣$2,200），單位更包床、基本電器如熱水爐、冷氣機、抽油煙機等等。
裝修勁簡潔
由圖可見，事主所租住的單位以白色為主調，部分牆身油上黃色，而一切都尚算企理，床則為最普通的單架床，整體房間的裝潢以及格局都相當簡潔。而廁所位置則位於小型陽台出面，沒有太過佔用單位空間。
往返用時3粒鐘
事主指自己已經試過由深圳單位返銅鑼灣，通勤時間為1小時20分鐘，過程都算舒服，如果計來回，用時接近3小時，飛到轉台灣！事主直言：「過程不太辛苦，因為住得好近口岸，雖然多咗嘅交通費，但都慳過喺香港租樓。」
網民彈多過讚
不過網民就彈多過讚，認為事主的做法並不明智，覺得單位的設計都太過簡陋，更笑稱設計似足「竹篙灣」，直言「好似細咗少少」、「好似住咗10日竹篙灣」，不過事主都認為自己租得十分抵，直言「我一啲都唔介意， 百貨應百客， 我自己覺得住得舒服，又覺得抵就得啦」，大讚自己今次慳錢大計成功！
圖片來源：Facebook@深圳大灣區吃喝玩樂開心分享區
