港女最近一款大愛食物 被網友形容：臭到以為自己瀨尿
廣告
近日一名網民發了一篇文章指自己睡夢中聞到一陣臭味，此臭味極其嘔心，令到該網民即想作嘔，更一度以為自己瀨尿及屋企爆屎渠，最終真相竟然係一款港女大愛食物？
臭到以為自己瀨尿
最近一名網民於Dcard發布一篇文章，名題叫「臭到以為自己瀨尿」，內容指網民在睡覺中突然聞到一陣臭味，令他發夢見到一名呀叔失禁，然後發出一陣「尿壓味」，於夢中不斷作嘔，亦因為太臭太嘔心的緣故令他驚醒。醒來後以為自己屋企爆屎渠，又以為家中貓主子於他的床上瀨尿，但發現亦不是！網民不斷尋找該「尿壓味」的來源，又聞吓床單，又聞主子個pat pat，又聞吓自己，再摸吓自己條睡褲，以為係自己瀨尿，甚至以為係樓上鄰居無公德心瀨尿滴咗落嚟，結果通通都唔係！網民走出廳繼續搵臭味來源，最後竟發現來自表弟食緊的螺螄粉！網民忍唔住問佢表弟：「點解要食屎」，網民表示佢真係唔識欣賞「陣味仲臭過臭豆腐」！
螺螄粉害人不淺 甚至拆散情侶！
螺螄粉係出自廣西省柳州的風味小吃，近年深受港女喜愛！不過似乎呢款食物只係討得女士們的喜歡，而男士們就覺得不能理解，甚至認為「好臭！」。早前已經有試過因為男朋友頂唔順女朋友喜歡食螺螄粉而當街鬧分手的事，原因實在太臭，女友仲要食完唔刷牙！好多網民都表示原來都頂唔順螺螄粉的味道！
圖片來源：《異星入境》 劇照, ig＠dcard.hk, dcard截圖, 《藍色大海的傳說》劇照 ,
