港女網上招旅伴冰島自駕遊 自稱同行3人都唔識揸車 網民怒轟：車就我揸 風景你哋睇？

港女網上招旅伴冰島自駕遊 自稱同行3人都唔識揸車 網民怒轟：車就我揸 風景你哋睇？

一名港女於連登開post招10月份去冰島自駕遊的旅伴，當中提及希望找到2位擁有國際車牌的同伴，而且要求對方駕車經驗豐富，能夠在旅途中輪流揸車，而且更要求對方性格開朗健談同脾氣好，年齡位於26-35歲左右。

之後該名港女再道出重點，目前3人團旅伴中無一人識揸車，指事後會夾油費同租車費，又稱：「我哋俾多啲都冇問題。」，而旅伴中沒有人識揸車這個位亦令網民大感不滿，直言：「車就我揸 風景你哹睇？」，「揾免費司機，人地2個有牌自己去唔好」，「無車牌玩咩自駕遊」，「上連登搵水魚」，「一揸要揸幾個鐘 地下又結冰濕滑 吃力不討好 仲要唔識你」。

之後事主又再指道出目前行程嘗未計劃，可以一同商討。而住宿方面就一同住或分開住都沒有所謂，更指：「預計將會窮遊，可能成個trip定係出去食一兩餐飯」，「費用不包機票預大概2萬蚊 玩10日左右」，最後又指其實都係「見步行步」，搏10月已經開關。

文章引來過4000則負評相當誇張，有網民就認為他們的最主要目的就是希望找到「免費司機」，可以為他們所謂的「自駕遊」帶來一段更輕鬆的時光。不過之後事主都有向網民道歉，指只是希望有機會夾到時間一同去，而在煮食同車費方面願意夾多一份。最後就吸受教罰指決定跟團。