楊思琦載歌載舞為內地高考生打氣　騎呢look加奇怪背景惹負評

Jun 11 2022

現年43歲嘅楊思琦近年將事業發展嘅重心放喺內地，除了不時登台表演之外，亦經常拍拍上抖音，同內地網友互動。適逢內地高考開鑼，不少內地藝人都喺社交平台發文為學生們打氣，而楊思琦向來緊貼風向，亦於抖音上拍咗一段歌舞片為高考生加油，但就引來一堆負評。片中楊思琦由打扮、歌聲同舞姿都十分奇怪，加上背景場地風格怪異，令人睇到十分尷尬。

楊思琦楊思琦拍片為內地高考學生打氣。 — 楊思琦拍片為內地高考學生打氣。（圖片來源：微博＠楊思琦截圖）

騎呢look載歌載舞，奇怪背景勁重風塵味

片中所見楊思琦身著藍灰色渲染T恤加爛牛加黑色鞋，配搭不倫不類。而佢係片中翻唱咗李克勤跟王赫野合作嘅洗腦神曲《秒針》，此歌係廣東話加普通話混合，楊思琦演繹時不但甩beat，仲要發音極唔準，再配搭過時又唔協調嘅舞姿令觀眾睇得好尷尬。而楊思琦拍片的背景亦非常奇特，甩漆嘅墻、晾在外嘅衫、紅燈籠同懷舊燈箱，極具年代色彩，亦令短片充滿風塵味。而有眼利嘅網民就發現原來背景係位於廣州嘅文和友，喺一個以還原八、九十年代嘅舊廣州生活色彩為主題嘅網紅小食店。

楊思琦楊思琦翻唱李克勤跟王赫野合作嘅洗腦神曲《秒針》。 — 楊思琦翻唱李克勤跟王赫野合作嘅洗腦神曲《秒針》。（圖片來源：抖音＠楊思琦）

楊思琦楊思琦於片中以藍灰色渲染T恤加爛牛加黑色鞋，配搭不倫不類。 — 楊思琦於片中以藍灰色渲染T恤加爛牛加黑色鞋，配搭不倫不類。（圖片來源：抖音＠楊思琦）

楊思琦網民留言片中背景怪異。 — 網民留言片中背景怪異。（圖片來源：LIHKG討論區）

楊思琦更有網民指背景風塵味重。 — 更有網民指背景風塵味重。（圖片來源：LIHKG討論區）

觀眾睇到尷尬癌發作，引大量網民留言負評

短片上載後令觀眾睇到尷尬癌發作，已經忽略為學子們打氣嘅重點，大量網民睇完後留言表示負評，批評她的歌聲同舞姿不堪入目。網民指楊思琦歌聲難頂，跟不上節奏，發音不准，舞姿更加係毫無美感，網友紛紛留言表示「下次不許唱了」、「告訴我你是故意的好嗎」、「這讓我很尷尬」。還有網民留言話「點樣設置以後不刷到你」。

楊思琦有不少網民於楊思琦抖音下留負評。 — 有不少網民於楊思琦抖音下留負評。**（圖片來源：抖音＠楊思琦）**

楊思琦更有網民話唔想再見到楊思琦嘅抖音。 — 更有網民話唔想再見到楊思琦嘅抖音。（圖片來源：抖音＠楊思琦）

昔日港姐淪酒吧登台，全因品味出事

楊思琦係2001年香港小姐冠軍，亦係單屆獲獎最多嘅21世紀港姐，但如今人氣大不如前，自去年開始係內地發展，雖然北上發展通常係拍劇、帶貨直播、登台。但見到楊思琦近日於內地酒吧登台，亦令網民唏噓不已，認為楊思琦係「一手好牌打到爛」。但有不少網民認為除左因為昔日醜聞和人氣下降外，更係因為楊思琦衣著品味差，打扮欠缺氣質和吸引力，日常穿著配搭奇怪，經常出事，所以先會令佢北上發展高不成低不就，不如人意。