日本譚仔6點特色 與香港大不同！？最大分別係冇咗最特別嘅「譚仔話」聽！
廣告
譚仔米線近年開始進軍國際，希望全球人類都有機會品嚐到「港式味道」雲南米線。而當香港的譚仔與日本文化碰撞時，兩者之間所產生的火花十分有趣，而文化差異令到兩地的譚仔都十分不同。
日本譚仔6點特色 與香港大不同！？最大分別係冇咗最特別嘅「譚仔話」聽！
一名居住於日本的YouTuber「日本菇菇菇 」近日參加了日本譚仔的試食會，而有「思鄉病」的她十分掛念香港譚仔的味道，所以十分希望能夠在日本譚仔都食得返香港味道！
凍檸茶係一樣味
去譚仔食米線當然唔少得叫嘢飲，凍檸茶同凍奶茶絕對是最受歡迎的飲品，而在日本的凍檸茶味道與香港相同，可以飲得返港式風味，熱菇都大讚Very good。
日本限定小食
而日本譚仔亦將譚仔在地化，用日本煮食方式同食材去製造涼拌食物，兩個日本限定小食「涼拌芥末菠菜」同「香醋芝士鮮原茄」都相當出色，熱菇都讚其味道十分不錯，值得嚐試。
米線神還原香港！
之後終於試食主食，熱菇叫了十小辣湯底及三餸包括腩肉，帶子仔同炸醬。其賣相同香港譚仔的確一樣，而且十小辣湯底亦都還原香港，食得返同一個味道！就連是米線的軟硬程度都能夠同香港一樣，相當出色。腩肉就切得比香港薄，不過其米線中的精華腐皮就以凍豆腐取代。
食土匪雞翼有埋碗裝骨
日本人的細心於微細位展現，只要叫土匪雞翼的話，其小食會付送一隻空碗去讓食客能夠用其裝碗。講起味道方面，土匪雞翼的外皮沒有香港烤得脆身，而且孜然香料的味道亦沒有香港來得重。
冇譚仔姐姐係硬傷？
講起兩地譚仔最大的不同，就是其店員的分別，香港特式的「譚仔姐姐」於日本是完全見唔到，取而代之的是一眾後生妹妹同仔仔，令店鋪年輕化不少。日本妹個個都相當出眾，去開日本旅行一定要試一試當地的譚仔先得！
譚仔話難以繼承
另外香港譚仔姐姐獨有的「譚仔話」，在日本都難以繼承。店長在接受訪問時都提到日文難以做到「譚仔話」的精粹，更指「譚仔話」就只有香港譚仔姐姐做到。
譚仔姐姐太有禮貌
而熱菇在試食的期間都指店員相當有禮貌，一貫日本人的禮物精神，送菜時會鞠躬，令其十分不習慣。回想起香港譚仔姐姐大多是豪爽性格，直腸直肚，兩地的文化分別有譚仔姐姐上都顯然易見。
圖片來源：YouTube@日本菇菇菇 JAPAN GoGoGo資料或影片來源：YouTube@日本菇菇菇 JAPAN GoGoGo
