新年最怕被親戚問的6大問題 每個新年都要loop一次!

網絡熱話

廣告

新年又準備到,大家係咪都準備好向親戚逗利是呢?不過想逗利是,一定要過親戚問東問西呢一關。今次筆者為大家精選6大新年有機會被親戚問到的致命問題,又教埋大家點解答~

新年最怕被親戚問的6大問題 每個新年都要loop一次!

1.「幾時結婚?」

親戚問得呢個問題,都唔會care你係咪拍緊拖,即接就問你幾時結婚。對於單身嘅人當然會好老尷,唔知點樣去覆好,或者可以霸氣地答佢一句:「冇女啊!你介紹啊?」;對於有拍拖嘅朋友仔,可以試吓答:「冇樓啊!點結啊!」,兩個答案都有異曲同工之妙!

親戚問題真係幾煩人!(圖片來源:《愛回家之開心速遞》劇照)
親戚問題真係幾煩人!(圖片來源:《愛回家之開心速遞》劇照)
幾時結婚係一大邪惡問題。(圖片來源:《愛回家之開心速遞》劇照)
幾時結婚係一大邪惡問題。(圖片來源:《愛回家之開心速遞》劇照)

2.「幾時升職啊?」

升職加人工係人都想,不過當親戚問及呢個問題時,就好似特登去篤你痛處一樣。呢個時候你更加會想反問自己:「係囉,我到底幾時升職?」,引致你出現懷疑人生嘅諗法。不過你都可以覆佢哋話:「升職?就啦,下星期返去就俾人升啦」去耍走佢哋。

準備好新年戰場未?(圖片來源:《愛回家之開心速遞》劇照)
準備好新年戰場未?(圖片來源:《愛回家之開心速遞》劇照)
唔升職又得唔得?(圖片來源:《愛回家之開心速遞》劇照)
唔升職又得唔得?(圖片來源:《愛回家之開心速遞》劇照)

3.「幾時買樓啊?」

香港土地問題好嚴重,而且樓價亦冠絕全球。當親戚問到你幾時買樓時,試吓霸氣地講句:「哪有錢!你XX」,然後再將個問題怪責去社會,話係社會嘅錯令到自己買唔起樓!

逗利是要經歷重重難關。(圖片來源:《愛回家之開心速遞》劇照)
逗利是要經歷重重難關。(圖片來源:《愛回家之開心速遞》劇照)

4.「幾時生仔?生幾多件呢?」

呢個問題都十分難拆解,老一輩人眼中認為只要有另一半就一定要生仔,叫做令到個家族有得繼承。不過新一代後生仔普遍都未必想生,呢個時候試吓話:「唔生啦,一生出嚟就要戴口罩,好攰姐!」,將個問題去推落疫情度!

唔生又得唔得啊?(圖片來源:《愛回家之開心速遞》劇照)
唔生又得唔得啊?(圖片來源:《愛回家之開心速遞》劇照)

5.「對未來有咩打算呢?」

雖然「未來還未來」,但親戚都好希望聽到你對於未來嘅一個計劃係點樣,而且仲會幫你評價吓實行性高唔高。不過相信後生一代都好唔想答人哋自己未來係點,直接同佢講未來想入Marvel拍戲,依家學緊英文,可能會一下子嚇疾佢!然後再跳起身扮GG人,完美化解!

想做GG人囉!(圖片來源:《香港愛情故事》劇照)
想做GG人囉!(圖片來源:《香港愛情故事》劇照)
呢個咪以後嘅我!(圖片來源:《蜘蛛俠》劇照)
呢個咪以後嘅我!(圖片來源:《蜘蛛俠》劇照)

6.「會唔會移民啊?」

移民呢個話題都係近幾年香港人成日都會提起嘅話題,亦都成為一班親戚好鍾意問嘅問題。你話想移佢哋又可能會加多兩句,話唔移又會問你點解,呢個時候最好就答佢:「可能啦,睇吓移新界定九龍抑或是港島囉~」,令到佢冇得再追問你!

移民要搵景鴻!(圖片來源:Facebook@景鴻集團 - 景鴻移民 EK Immigration)
移民要搵景鴻!(圖片來源:Facebook@景鴻集團 – 景鴻移民 EK Immigration)

關鍵詞
新年親戚
圖片來源:景鴻集團 - 景鴻移民 EK Immigration,《香港愛情故事》,《蜘蛛俠》,《愛回家之開心速遞》劇照