【新冠疫苗】可以飛日本日子不遠?!日本駐港總領事館:正面討論緊港日兩地開放事宜

網絡熱話

廣告

小編將近兩年無返鄉下,開始覺得以前嘅旅行好似一場夢,唔知大家有無呢種感覺?到底幾時先可以去旅遊呢?隨住新冠疫苗喺全球多國開始接種計劃,各國都開始探討「疫苗護照」,例如只要接種咗疫情就可以出國外遊。不過唔同國家有各自嘅方針同標準,加上打疫苗又有一定嘅風險,選擇邊隻疫苗都係一大問題!

撰文:馬高斯 |圖片來源:香港電台、BBC、周正渭、Covid19 Vaccine Tracker|編輯:海月

日本駐港總領事館:正面討論緊港日兩地開放事宜

根據「Covid19 Vaccine Tracker」網站資料顯示,截至3月22日,世衛認可咗嘅疫苗有4款,分別係「輝瑞/ BioNTech嘅復必泰」、「強生嘅Janssen COVID-19 Vaccine」、「牛津/ 阿斯利康疫苗」,仲有「印度血清研究所嘅Covishield」。其中「牛津/ 阿斯利康」同「輝瑞/ BioNTech疫苗」有多達76個國家或地區使用。

「Covid19 Vaccine Tracker」網站資料
「Covid19 Vaccine Tracker」網站資料

至於本港用得接種嘅另一款「中國科興嘅克爾來福」,暫時只得大陸同巴西、哥倫比亞、柬埔寨、智利、印尼、馬來西亞等17個國家使用。

【新冠疫苗】離返鄉下日子不遠?!日本駐港總領事館:正面討論緊港日兩地開放事宜
隨住新冠疫苗喺全球多國開始接種計劃,各國都開始探討「疫苗護照」,例如只要接種咗疫情就可以出國外遊。

相信唔少港人最關心就係幾時可以返鄉下,日本暫時只認可「輝瑞/ BioNTech嘅復必泰」一款疫苗。香港有傳媒查詢日本駐港總領事館,佢哋表示香港政府與日本方面傾緊兩地居民往返開通事宜,現階段無法透露內容,不過就強調係「正面討論」喎,睇嚟離能夠返鄉下嘅日子,可能已經不遠(希望)!

【新冠疫苗】離返鄉下日子不遠?!日本駐港總領事館:正面討論緊港日兩地開放事宜
日本暫時只認可「輝瑞/ BioNTech嘅復必泰」一款疫苗。