一對新人舉辦非一般婚禮 全場賓客尖叫 網民：有咁嘅老婆唔敢出軌
廣告
由情人升做夫婦，有不少人都會舉辦婚姻來與一眾親朋好友慶祝喜事，同時新人們都會各出奇謀令婚宴更為難忘，而有對新人就舉辦了一場非一般嘅婚禮，親身表演跆拳道，新娘即席嚟咗一招「空手劈木板」，引嚟全場賓客尖叫！網民更表示，「這樣老婆也不錯，不敢出軌了」。
撰文：柴柴｜圖片：梨視頻、pexels、《婚前試愛》劇照｜編輯：HM（原文刊於：新假期）
新人喺婚宴玩跆拳道 獲全場歡呼
着住紅色晚禮服嘅新娘潘小姐，喺舉行婚禮嘅途中，突然上台表演跆拳道，仲大叫一聲「啊！」，徒手就擊破木板，獲得全場歡呼。
新娘學跆拳道14年
原來新娘係跆拳道黑帶三段，已經學咗跆拳道14年，而老公就係跆拳道教練，佢地拍咗兩年拖決定結婚。
婚宴途中突然技癢 新人齊表演連環踢
新娘話喺婚宴見到老公着住跆拳道衫喺台上表演，先係踢木板，後來仲嚟個連環踢，搞到自己忍唔住晒下自己嘅絕招，結果一對新人一齊表演。
網民：不敢出軌了！
呢場非一般嘅婚禮吸引大量網民留言：「這是我第一次期待夫妻雙方打架」、「如果打起架肯定兩人不分上下」、「一場勢均力敵的婚姻」。亦有網民認為佢地嘅婚姻會更長久，「找個這樣老婆也不錯，不敢出軌了」。
