囝囝勸公屋父母抽居屋 兼借私樓供暫住 網友質疑別有用心:會唔會臨老俾佢趕出街?
廣告
香港樓價高企,除了靠父幹買樓之外,另一個選擇就是抽居屋、排公屋啦!不過早前抽居屋的時候,有樓主就分享了親戚的個案,指某長輩的囝囝,以「住好啲」為由,想以兩老名義抽居屋然後自住,至於兩老就會去到囝囝私樓住,並當是投資。此舉令樓主有點質疑囝囝的做法,認為有機會私樓遲早會賣,兩老有機會沒有地方住。而網友對此亦有兩極的評價。
囝囝力勸公屋父母抽居屋 兼借私樓供暫住!
早前不少人都有抽居屋,而樓主就在《親子王國》帖文,指有長輩囝囝成日呼喝父母,但最近以孝順住好啲為由,想以兩老名義抽居屋。「有一個長輩嘅囝囝以孝順佢、想佢住好d為理由,勸佢用公屋去抽居屋,然後佢供,但老人家唔肯,大家聽左都覺得個仔幾孝順啦!」不過樓主並不是稱讚囝囝,反而認為他別有用心。「之後個仔一直都唔心息係咁勸佢地,佢本身自己有樓嘅,想將父母換到嘅居屋攞黎自住,將自己間私樓俾父母住,私樓就當投資。」樓主認為遲早兩老所住的私樓都會被賣,囝囝就可以賺錢,但兩老的居住地,就會被賣,有機會無地方住。
供唔到點算? 網友質疑:會唔會臨老俾佢趕出街?
有人與樓主立場一樣,覺得假如囝囝有機心,最後令兩老無地方住的話,就難以保障啦!而且有網友認為供樓不容易,有人擔心假如囝囝供不起的話,兩老都會被踢出住所,擔心兩老的將來生活!
為左呀仔並無不妥!網友:抽居屋更有保障
而網友們的反應兩極化,有人認為做父母的都是想為仔女,兩老假如繼續住公屋,將來兩老過世後,都會交還政府,想保證囝囝有名的話,其實抽居屋反而更好,並無不妥!
資料來源:親子王國
圖片來源:《親子王國》截圖、《香港愛情故事》劇照