禁足令丨惠康百佳貨架全掃光 KOL帶你超市深度遊 冇人買嘅竟然係呢樣?
禁足令丨惠康百佳貨架全掃光 KOL帶你超市深度遊 冇人買嘅竟然係呢樣?
百佳戰區
蔬果區
Rock哥第一步就帶大家去到蔬菜區,見到基本上正常你會食到的蔬菜都已經被一掃而空,只剩下某些比較少人食的蔬菜,認真誇張。而水果區亦同樣清空,只有少量蘋果供購入。
凍肉區
除了蔬果之外,肉類一定是日常生活的必備品,而凍肉更是留在家時能夠儲存最耐的食物之一。雖然凍肉架上都還有少部分肉類,不過其肉類都叫比較不受歡迎或者價錢太貴,而港人最愛吃的牛肉當然都掃光,只係得返啲太肥嘅肉類。
乾糧區
去到麵包架,基本上麵包都已經俾人掃晒。不過早餐食的穀物類還有大量現貨,睇嚟大家對於早餐類都不太缺乏。麥片類都還有少量現貨,兩包都被Rock哥掃走,正式賣晒。
罐頭類,即食麵類
罐頭類同即食麵當然都成為市民「禁足令」下必定入手的單品,所以區域內的貨品都已經幾乎清空,主流即食麵出前一丁,辛辣麵等都已經清空,杯麵還有少量剩低,不過其味道也並非主流味道,所以導致冇人買。
零食區
零食戰區貨品相當齊全,應有盡有,想食咩味薯片都不難入手。不過港人最愛的卡樂B薯片同熱浪就還剩餘少量,而Doritos墨西哥脆片都被掃光,可見呢幾款都十分受歡迎。
百佳最後斬獲
Rock哥在百佳以:「乜肉都買唔到」去總結百佳區,當中他只購入數個杯麵,兩包最後的麥片,一盒早餐玉米片以及一包年糕。而當中算係完成目標的便是早餐玉米片同麥片,其他都算是「搭單」買入。
惠康戰區
蔬果區
比百佳好一啲,惠康仲有不少的蔬果可以購入,Rock哥能夠買到心頭好蘆筍之外,更發現還有西蘭花供購入,菜類的選擇比起百佳要來得更多更豐富,而且貴價菜亦還有不少。
即食麵區
同樣即食麵在惠康亦都所剩無幾,不過比起百佳好的是,杯麵裝的辛辣麵還有貨,Rock哥都即刻買返幾個,但其他貨源充足的即食麵類,同樣是比較非主流口味,或者並非平時食開的即麵食類。
急凍食物區
去到急凍食物類,可見架上的急凍食物無論是水餃,雲吞,燒賣抑或是蛋糕,都已經通通被掃光,打開急凍櫃門只能夠感受到滿滿的寂寞但又帶不走一點食物,實屬唏噓。
雞蛋區
前幾日搶得十分勁嘅雞蛋,看來補貨速度相當之快,去到貨架上還有大量雞蛋可購入,無論是日本蛋,泰國蛋抑還是中國蛋都仲買得到,叫做十分齊全,「禁足令」生效的話可以日日食蛋都得。
乾糧區
乾糧方面,麵包同樣被清光,看來咁多樣食物之中,麵包絕對是「被清空」的頭三甲。不過其現象唔多唔小都可以反映到不少港人都會以麵包作為早餐,既方便又快捷,絕對符合生活節奏快的城市人。
排隊時間
咁多市民參與「禁足令盲搶炎比賽」,其排隊付款時間當然也相當較長,Rock哥就實測了當天排隊付款的實際時長,足足用了差不多16分鐘才能夠付款,比起平時的付款時間要長十分之多。
Rock哥:無需太過緊張
Rock哥最後都呼籲廣大市民其實無須太過緊張買唔到存貨,其實超市見到貨品的需求量增加時,同樣亦會在來貨期間增加來貨數目,所以不需要出現「盲搶炎」的情況。最後亦希望大家保持身體健康,在家中都要做運動強身健體。