男友送名牌包包:你咪當XX囉!2字令港女心碎

網絡熱話

廣告

拍拖大時大節都會送禮物哄下另一半開心,情人節呢啲大日子都唔例外,花心思和另一半慶祝,或者送禮物俾另一半表示心意,實屬人之常情。但送二手物件俾另一半就真係未必個個接受。早前就有一名港女於討論區發文大呻男朋友送咗個名牌手袋作情人節禮物,感到好侮辱!?

二手袋 名牌是這次送禮的基準。
有女網民發文表示情人節收到男友送殘舊二手手袋做為禮物。(圖片來源:TVB《愛回家之開心速遞》截圖)

港女拍拖8年無驚喜過

該名港女於討論區發文,以題目:「男朋友送咗個二手手袋比我做情人節禮物」向網民大吐苦水。事源女事主與大8年男友相戀已一段日子,而佢早已習慣男朋友一向欠缺浪漫及儀式感。所以通常大時大節的安排都由女事主一手包辦。細心嘅女事主更會留意到男友喜好,於佳節時送上男友期待已久嘅禮物作驚喜。但相反男友上年直頭忘記咗情人節呢個節日,更莫論準備禮物,儘管如此,女事主雖然失落但亦無怨言。

二手袋 有港女以題目「男朋友送咗個二手手袋比我做情人節禮物」發文,向網民大吐苦水
有港女以題目「男朋友送咗個二手手袋比我做情人節禮物」發文,向網民大吐苦水(圖片來源:Dcard討論區發文截圖)

男友送二手袋回禮 港女當場呆咗?!

直至今年情人節女樓主如常安排好節目,更準備咗男朋友恨咗2年不拾得買的switch作為情人節禮物氹男朋友開心。不過男友今年依然沒有準備,但可能眼見女友花費幾千元買份情人節禮物比自己而感到不好意思,幾日後亦送咗份禮物比女事主作為回禮。女事主當時見到份禮物直言當場呆咗!事關份禮物竟然係一個頗為殘舊的二手名牌手袋,更形容手袋外觀又殘又污糟!於發文中提及:「佢幾日後拎咗個二手名牌袋出嚟,話係送比我嘅情人節禮物….我當場呆咗!二手都算,仲要係有啲殘舊有啲污糟、有好明顯使用痕跡、袋內好多原子筆化妝品漬….仲要個面我用3張濕紙巾抹都仲係成張紙巾黑蚊蚊」

二手袋
(圖片來源:youtube@Gareth.T)
二手袋 女事主形容個袋又殘舊又污糟
女事主形容個袋又殘舊又污糟(圖片來源:Dcard討論區發文截圖)

男友理直氣壯:你咪當係自己孭舊咗囉!

正當女事主打算忍氣吞聲收咗份禮物就算,男友竟然不斷向佢表示份禮物價值不菲,更不滿女事主面露不悅,叫佢不要在意是二手袋,更直言:「你咪當係自己孭耐咗孭舊咗囉,而家興古著呀」!面對男友不斷 “安慰”,女事主忍唔住喊出嚟,感覺好侮辱,寧願沒有收過份禮物。而男友見女友唔中意個袋,第二日竟然拎個袋去退貨,之後仲叫女友當無事發生,唔准再嬲。

二手袋
(圖片來源:《原諒他 77 次》劇照)
二手袋 女事主直言大感侮辱
女事主直言大感侮辱(圖片來源:Dcard討論區截圖)

沉船港女:Condom都係我買!

網民睇完女事主發文後,留言一面倒勸佢同男友分手,更震驚男友做出送殘舊二手袋做禮物,認為男友點好意思咁做,有失大體之餘,亦不值得女事主付出。更有網民驚訝點解女事主會同男友一齊,問女事主唔分手等幾時。而女事主似乎對男友情根深種,並沒有理會網民留言,但見到有網民質疑女事主其實想洗男友錢,女事主則回覆表示對男友要求已經很低,更大爆男友內褲甚至Condom都係自己出錢買!而自己只係希望得到男友重視。

二手袋 女事主稱Condom都係自己買
女事主稱Condom都係自己買(圖片來源:Dcard討論區發文截圖)

情人節應如何選購禮物給伴侶?

情人節快來臨,新Monday為各位精選出10+高CP值又實用的情人節禮物女朋友篇男朋友篇;另外,不少酒店及餅店都有推出情人節朱古力禮盒,例如半島酒店、GODIVA、Venchi等,而MUJI更推出自製朱古力DIY!即看:情人節朱古力推介

情人節有什麼好去處及活動推介?

臨近情人節,除了要Book情人節餐廳及即場情人節送花外,一個浪漫的行程也十分重要!最近多了不少新開情侶拍拖好去處,而且是免費景點,很適合拍拖打卡,當中有…拍拖好去處

圖片來源:youtube@Gareth.T,《原諒他 77 次》劇照,TVB《愛回家之開心速遞》、Dcard討論區截圖