55歲「廢青」唔捱得！返新工坐低未夠30分鐘就唔做 網友話濕濕碎 仲有更爆經歷

撰文：Yin｜圖片來源：香港討論區截圖

有網友在香港討論區發帖，題為「新人返工唔夠半小時話唔做」，交代今次新人返工經歷。原來這名新人目測已經是55歲或者以上，不過根據勞工及福利局局長羅致光2019年所講的「60歲中年論」，這位新人都仍算年青，可以稱之為「廢青」。

公司聘請這位「廢青」新人，目的是替補一名即將離職的同事。新人第一日返工，便由上司向同事們介紹，很快就開始跟相關同事交接工作。交接工作似乎好快就告終，因為「廢青」新人只係聽了5分鐘左右，便開口話份工不太適合佢，而且灑脫地離開。

「廢青」返工未夠半小時便離開 打破樓主見證紀錄

樓主嘗試整理這位來去匆匆的新人返工經歷，由他踏入公司門口開始計，到介紹大家認識，以至教新人工作，前前後後只係大約20分鐘左右。連半個鐘都未夠，就話打退堂鼓。

樓主直言，這次見聞是打破了佢之前在舊公司的新人極速辭職經歷，當時尚且維持了大約40分鐘先唔撈。

網友認為「廢青」果斷是好事 起碼不浪費時間

對於這位「廢青」新人，網友們似乎都普遍表現仁慈，沒有鬧爆「廢青唔捱得」之餘，認為份工唔適合也辦法，至少他沒有浪費自己和公司其他同事的時間，亦不用花太多心機去教他，總算是好事。

網友懷疑「廢青」本身領綜援 為交差才搵工

有網民則估計，這位「廢青」新人之所以極速辭職，可能係本身領取綜援，所以需要定期嘗試搵工，只是想不到真係會請，唯有前來「返工」交差。

其他瘋狂經歷:返工10分鐘為個App辭職 返工3日才知白撞

亦有網友分享自身見證過的類似經歷，反映樓主今次其實不算太出位。有相近年紀的「廢青」適應唔到新工，也受不了被其他人責怪，於是決定辭職唔做；亦有網友自己試過返新工，短短半日就感覺公司「有伏」，決定立即走人；有人則因為不願意在私人電話安裝內地的WeChat，索性放棄份工。

更瘋狂是，有網友報稱，見過有「新同事」返工，以為是「皇親國戚」，豈料之後3日幫佢追問人事部有關員工證的事，才驚覺公司根本無請新同事，這個亦不是甚麼「皇親國戚」，只是有精神病的人來白撞。