尖沙咀驚現「女神仙陣」 唔講以後古代人穿越時空！
廣告
香港地絕對係一個文化共融的地方，呢個國際大都會能夠包容各式各樣的文化。而「穿衣自由」亦是港人所推崇的文化之一，港女著瑜伽褲亦成為了時下的流行的文化。不過近日尖沙咀就出現「女神仙陣」，嚇壞途人。
尖沙咀驚現「女神仙陣」 唔講以後古代人穿越時空！
近日在Facebook群組「好fashion呀你」上，有港女po出一張照片，caption處寫住：「唔行尖沙咀都唔知咁精彩 而家周街神仙」。照片中可見有三名女子穿著漢服在海旁影相。相片一出都引起了網民的熱議，有人認為穿著漢服的女子是熱愛祖國人士，「其實好肉酸，係格格不入」、「好似大陸咁樣」。
尖沙咀海旁打卡係錯？
亦有網民建議其實想符合返古代風格的話，其實應該去古色古香的地點打卡，例如是嶺南之風同寨城公園等等，「你去城寨公園影下相冇所謂！但喺現代城市幾件行嚟行去真係好古怪」、「真係異類」。更有網民指此將會成為一大潮流，「遲啲好似景福宮咁，門前街全部出租韓服」。
網民直插港人思想封閉
不過對於港人咩都拎出嚟講，都有網民表示不滿，直插港人十分封閉，亦認為港人應享有自己的穿衣自由，「其實有咩問題？佢又無阻到你」、「著咩關你咩事」；有網民則認為要保存屬於中華的漢服文化：「漢服本身就好靚，理應好好保留此文化」。都有網民直插港人五十步笑百步：「笑自己人著漢服，但去日本旅行見當地人著和服/喺韓國見當地人著韓服，又唔笑人覺得沒問題，甚至仲著埋一份，笑人的根本有劣根性，自卑心作祟。」
原來有世界漢服出行日！
不過翻查資料，原來11月22日為世界漢服出行日，全球中國人，甚至是各個地方的華人，只要是對該文化是有熱愛，都能在當日穿著漢服出街。不過該節日在香港未算普及，所以在街上見到有人著漢服反而會變成「標奇立意」，難以令途人接受。
圖片來源：Facebook@好fashion呀你、劇照
