細佬崩潰大呻：家姐成日係屋企唔著衫 網民錯重點：想去你屋企玩！
廣告
男女有別，古時更有「男女七歲不同席」之說，就算係有血緣嘅屋企人，隨住年紀增長都應該互相有所避忌。但有一名台灣男仔就於網上發文大呻，稱現時與就讀高三嘅家姐共用間房，但家姐係房內經常淨係著住內衣，有時甚至直接赤條條，令佢相當尷尬，佢曾試過叫家姐穿返衫，但家姐竟然覺得沒問題，令佢感到十分困擾。該發文一出就引起網民熱議。
朋友表示：好羨慕
該名台男於Facebook「爆廢公社公開版」發文指出，幾個月前一家人搬屋後，房間數量變少，佢被迫同家姐共用1間房，最近放暑假嘅家姐每日都宅喺屋企「混吃等死」，仲經常喺房內唔著衫，淨係著內衣，有時甚至一絲不掛。而男事主向家姐投訴，但家姐竟然表示無問題？！之後男事主向朋友訴苦，但朋友就表示好羨慕，令佢大感無奈：「到底有什麼好羨慕的，誰會對親姐姐有非分之想？」。發文最後附上一張疑似男事主房間嘅相，相中所見房內有不少電玩設備，感覺高級，但就未見家姐身影。有網民都指體諒家姐，指女生喺家中唔想著內衣或者想著得舒服啲都正常，不過都真係要著返件衫。
網民錯重點 籲台男出賣家姐：有圖有真相
台男發文原意係求安慰，但一眾網民錯重點，竟然求佢上傳家姐係房內嘅相，「建議附上當時的照片，不然大家沒辦法幫你主持公道」、「真的假的，圖呢？」、「誠心誠意求正面照」，更有網民話想去男事主屋企玩「兄弟，從今天開始，你是我哥哥，我想去你家玩」、亦有不少網民留言關心男事主家姐「可以去你家一趟嗎？絕對不是對姐姐有非分之想，主要是怕她着涼」、「不用拿照片出來 我這有空房間可以給姊姊睡～～」「我家還有空房間，沒關係當結緣行善！」。
網民質疑係作文：醒醒！你沒有姐姐！
面對大量網民留言要求有圖有真相，台男其後更新帖文表示唔會上載家姐嘅相，並強調「我不會出賣我姐姐的好嗎，別再叫我拿照片出來了！」。但亦有不少網民質疑男事主係度作文，紛紛留言「醒醒吧，孩子，你沒有姊姊」、「沒圖沒真相，弟弟切勿憑空想像」、「是不是自我幻想文」、「想像力真豐富」、「弟弟認真唸書好嗎？別再當編劇了」、「1. 你沒有姐姐 2. 你成功秀了你的裝備，卻沒人討論」
圖片來源：電影《有五個姊姊的我就註定要單身了啊！》劇照、Facebook@爆廢公社公開版
