女司機｜亂切線被網民炮轟 旅行KOL被批道歉無誠意
撰文：AT｜編輯：RF、odin｜圖片來源：FB@香港突發事故報料區，FB@車cam L（香港群組），[email protected]， 連登討論區、學神出沒注意 截圖｜原文刊於：GoTrip
網民轟炸事主沒有道歉意思
事後，眼利的網民發現照片裏的車款正是香港旅遊 YouTuber「RedisPolly」，YouTube頻道上擁有172k的追蹤者。事後，Polly 出IG限時動態向公眾道歉。
不過，有網民轟炸留言，指出事主從沒有道歉的意思：「又係佢，買起成條山林道！你嚴重危害道路安全，人哋留言就話人有惡意？買起半個尖沙咀一個道歉都無？明明自己嚴重危害道路安全，仲話人哋一邊揸車一邊影相都好危險？乘客位喺左手邊先影到你Cut到最左，左手邊既乘客位先可以咁清楚影到你，仲可以一啲錯都唔認？嘩！你真係好有而家做官既特質，仲話斷層？定你自己離地呀？」
事主應要找學車師傅補鐘
更有網民表示事主需要找學車師傅補鐘：「早就應該要搵師傅補鐘啦，求其搵個識揸車既朋友就當補鐘，考到個牌坐上司機位就有責任對街上任何一位道路（包括行人路）使用者負責任，錯就係錯，就要認，認錯就要道歉，認錯都要知錯先得，你揸緊既係車，學識控制自己架車、行自己要行既路，仲有呀！咩叫Cut線果斷啲？果斷係自私既行為，你要評估交通安全呀嘛！望左鏡望倒後鏡望右鏡望盲點呀嘛！仲有你都係讓返架車出嚟啦，無謂嘥咗部車，暴殄天物。」
網民：不是道歉就能解決
網民覺得她作為半個公眾人物更加需要留意言論：「揸車係好玩，但千祈唔好玩揸車，個人覺得雖然道咗歉、又雖然遲咗但總好過無道歉，係知錯先好，再係咁既駕駛態度有朝一日車死人、釀成嚴重交通意外唔係打千字文、道個歉話負上法律責任就解決到。」
事主道歉 網民說無誠意
事主YouTuber「RedisPolly」再次在自己的社交平台上道歉，向網民說希望大家可以把專注力放回在她的作品上，但有不少網民表示不接受歉意。
