花$250到女僕Cafe手仔都冇得摸 港男嬲爆：去夜總會好過啦！

花$250到女僕Cafe手仔都冇得摸 港男嬲爆：去夜總會好過啦！

近日有港男在FB群組「香港X沖咖啡關注組」大呻經歷，當中提及「人一世物一世，我到咗呢個花甲之年見識到女僕cafe嘅運作，其實幾勵志」，又道出現場的實況：「現場見到真係幫到好多宅男，俾$250入場費包一杯魔法水，之後就係有啲美少女同你傾偈，手仔都冇得摸吓佢哋都好開心，有個靚女同佢傾5個鐘或者捉下棋。」仲指出如果要同女僕合照，則為$250一張。

有港男斥：去夜總會好過！

該post一出都引起網民熱議，對於事主提及$250包一杯魔法水但「手仔都冇得摸吓」，大批網民都感到不滿。仲有網民以夜總會去同女僕Cafe作比較，認為「男人老狗正正經經落夜總會玩下好過啦」、「搞埋啲多餘嘢，正正經經食餐飯好過」。都有網民回應指夜總會「唔係正正經經」，又指要在夜總會消費會高很多。都有網民反駁該論點，認為每人都有不同喜好，「賣咩好唔好食真係唔係好緊要，其實女僕CAFE同迪迪尼一樣，等人好似去到另一個世界」、「佢哋好開心㗎，幾好啊，滿足到傾吓偈嘅需要」。

前員工澄清「非色情場所」

亦有曾任職女僕Cafe的網民直指女僕Cafe非「色情場所」，「女僕餐廳係非色情場所，一向都唔可以同女僕有身體接觸，就如你去一般餐廳食飯，你唔會摸去員工，坐飛機，唔會摸空姐空少。同埋你咁樣偷拍都係不該，女僕嘅收入其中一樣就係靠影相賣相，明白好多人未去過女僕cafe，但請大家明白女僕cafe，請大家要知道果度係有妹子服務員，可以傾計可以一齊玩下嘅餐廳，請互相尊重一下 ，感謝」 。亦有網民表示認同，認為女僕Cafe其實同普通Cafe無異，只是多了一眾女生服務員去陪顧客玩遊戲同傾計。

原文