大陸女來港買藥疑被騙11萬 豪爽態度唔追究？！

大陸女來港買藥疑被騙11萬 豪爽態度唔追究？！

近日有一名大陸女於小紅書開post，她以「買藥莫名付了11萬」為題，當中提及自己近日來香港帶兒子去迪士尼樂園遊玩，在晚上時分就去了一間藥房睇睇。事主指原本只是想「隨便買點藥回去」，不過後來看見中藥磨成粉對身體好的廣告而踏入陷阱中。

中伏豪洗$11萬買中藥

事主指自己沒有細看該中藥瓶子上的價錢，亦沒有問到店家具體價格是多少。而店家在取出一塊藥材後就極速磨成粉，然後埋單時同事主講要$11萬，事主亦照樣俾錢。但返到酒店後越諗越唔對路，報警時警方稱是商家經營手段問題，而海關亦指會受理並有機會追回款項。

僅追回$2萬！？

不過最後事主在第二日早上再回到藥房搵店家，成功退回$2萬港幣，稱「因為著急回寧波，就先這樣吧！」。不過網民睇完之後都直言事主被騙，而且更不應該妥協於僅退$2萬的狀況。網民直言「只能說你真有錢」、「吃什麼中藥要得了11萬」，亦有網民認為事主能夠當下零考慮就付出11萬，絕對係一個有錢人。有網民就建議事主可以報《東張西望》以及消委會。

後續該名事主都指自己已經聯絡海關，但對方表示不受理，亦聽建議上報去俾消委會知道，目前人已經回到家鄉，所以也只能夠靜待處理。