大陸女買＄700幾瑜珈褲被港人鬧 網民：看不起大陸人
廣告
而家大熱的2手交易平台Carousell，除咗俾大家進行買賣交易之外，仲有唔少故仔聽，例如遇到咩誇張的買家等。早前就有一位內地女想買條瑜珈褲著，點知竟然俾港人賣家辱罵，仲話個賣家睇唔起大陸人？！
大陸女喺Carousell睇中一條＄700瑜珈褲
事源該名大陸女喺Carousell睇中一條價值$740港元的瑜珈褲，就dm該賣家問價，點知該名賣家超唔耐煩，不停追佢要唔要，仲話「浪費我時間」，大陸女就回覆佢只係因為返工所以未得閒睇，唔明白該賣家急乜嘢。後來賣家竟即連環表示「不賣大陸人」，仲叫事主「香港用返繁體字啦」，仲大鬧事主係垃圾，仲叫事望淘寶！「不賣大陸人，香港用返繁體字啦，垃圾，一係你就淘寶買」，令事主覺得飽受委屈，更力指對方：「根本看不起我們大陸人」。
大陸女不甘受辱 po上小紅書大呻
大陸女不甘受辱，就將呢件事po出小紅書大呻「carosoer(Carousell)網站遇到奇葩罵人」，文中貼晒與該名賣家的對話圖。不過反應似乎兩極「他態度是不好。但你買不買也要說吧」「其實你不要只要說一聲就行了」原來有細心的網民留意到，指出事主所貼的圖可見，賣家於12點多和3點時找過樓主兩次，認為事主都有浪費別人時間。亦有網民質疑事主係咪壓價太勁，＄700變＄70先搞到個賣家咁燥，而有網民就錯重點笑事主連英文都不懂，表示：「能不能首先把carousell打對啊！」
力撐同鄉 佢祖先最好都係香港！
當然亦不少有人力撐事主。有網民指：「直接罵她racist, shame on her」、「真無語這樣的賣家」、「有些人就是止不住的對人有偏見，遇到這些不要理就好，或者投訴試試」。當中更有憤怒的網民指事主應該罵回對方：「叫她上一代查下，她自己都是大陸人的話就真的笑死人囉」、「她最好祖上都是香港的」
圖片來源：小紅書、《老表，你好嘢！》、youtube@威廉沈歡樂送、IG@Jumbo Tsang、
