港大媽西客大鬧沙田餐廳(有片) 稱「預咗受氣」、收銀職員神回應獲讚

港大媽西客大鬧沙田餐廳(有片) 稱「預咗受氣」、收銀職員神回應獲讚

有沙田街坊於昨日（4月22日），在Facebook群組「沙田之友」上載了一條18秒之影片，指出有一對男女食客在沙田愉翠商場茶餐廳用膳，不過因為落單後等了半小時仍未有食物送到，繼而選擇「Cut單」並離開餐廳，更利用收銀職員發洩心中憤怒。事主都無奈指「落咗單半粒鐘冇嘢到要cut單冇問題，但係又搵收銀姐姐發泄怒火無理取鬧。」

嬲爆狂鬧收銀

由上傳的影片中可見，當時收銀處仍有不少人正在排隊，而該對男女食客就沒有理會，上前不斷指黑收銀職員。收銀職員都只能夠無奈地回應：「你係咁鬧我無用架，唔係我炒架！」，點知女食客聽完後再扯火，怒轟「咁無態度？你對客㗎嘛，對客係咪咁樣啊！」，職只此時神回應指「客係客，咁妳唔可以鬧我㗎嘛」。

最後再攞尾彩

由於男女食客的聲音太大都旋即引來其他職員注意並上前勸阻，惟女子仍未停口，繼續指罵：「妳企樓面就要受氣，話畀妳聽！」。之後女子在勸阻下都向門口走去，不過點都要執返個尾彩，來個回馬槍再整多句「妳對客㗎嘛而家！」。

網民怒斥：極品西客

影片都引來網民熱議，直插該對食客為「極品西客」，「收銀負責收錢咋喎，好無辜俾佢鬧，咁型嘅直接衝入廚房插個廚吖嘛」、「杯麵啱晒佢，3分鐘食得！」、「呢啲西客又唔等得，唔好出街食啦，自己煮咪快囉唔使等」、「西客真係唔怕丟架」、「人哋都係打份工啫，鬧個伙計都無用，又唔係佢煮畀你食！」、「影衰晒香港人」。不過都有人認為18秒片冇前冇後，難以得知職員是否都有說難聽的說話，拍片者都有回指：「就係冇，直到個客跳掣之前，個收銀都好有耐性」，亦有網民大讚職員高EQ，一句KO對方。

睇片