大埔情侶WWE︳揭女權當道問題 網民大鬧:全部人都忽略條仔!
情侶WWE揭女權當道問題:女人打男人就無問題
「大埔情侶WWE」片被網民瘋傳,唔少女網民狂j呢條片表示「好完美」「仲有邊個話女人不如男人」「型女,我都想學」。有網民就呢件事發起咗一個討論「見到啲女話大埔譚仔鉸剪腳單嘢係真就想笑」認為個個不斷只係讚女仔身手了得,有型想學習,覺得之後會打嬴男人,但其實一睇條片就知係假,因為個女士的動作明顯係「正宗摔角技巧,落地嗰下仲要勁順暢」。引起唔少網民認同,認為女人咁樣打個男人,完全無人可憐吓咁,「好恐怖 女人打男人冇人x Johnny Depp 」「真,仲要個個話要學佢」「女人打男人就無問題,男人打女人就被狙擊,做男人真係慘」「淨係鬧條仔點解咁廢」「不嬲個世界都係咁,一講呢啲,女人就佔哂優,立於不敗之地」完全反映咗女權當道問題!
重溫大埔情侶WWE現場 網民質疑其真實性!
影片的拍攝地點為大埔,其瘋傳影片長度為45秒。一開始時身穿黑衣的的男子走近白衣女子,並與其發生爭執,男子突然出技抱起白衣女。女方在空中不斷掙扎,糾纏間突然使出失傳已久的「奪命鉸剪腳」夾住男子頭部,再出力將男子的身體撻生魚咁旋轉撻落地,同時再把男子摔出個後空翻,睇到鏡頭前的街坊都「嘩嘩~」聲大叫。
「譚仔遮遮」出面勸阻
最後在一名「譚仔遮遮」出面勸阻,男子再走近並指罵白衣女子:「妳係咪傻咗啊!」,遮遮改勸阻男子,並與男子拉址。隨後遮遮夾在2人中間,用手分別抓着男子和白衣女後頸和膊頭,把2人拉到一旁。最終白衣女子先行離開,男子亦慢慢步離現場。
譚仔姐姐表示:拍戲
如此精彩尤如WWE舞台的技術,不過有居民當時向其爭執地點前的「譚仔三哥」店鋪作查詢,有指當時是在拍戲。另外亦有網民開post指其爭執非真實發生,指兩人的「摔技」是透過配合而成,並冇用力。另外,都有網民將以往YouTube Channel「MM – Mill MILK」一條關於香港女特技演員的片段擺出來,懷疑其白衣女子與該演員為同一人。
https://youtu.be/EuOc6xoGPZo