港男返新工想追女同事 不知對方身份隨時影響前途 樓主有意提醒卻遭網友勸阻

網絡熱話

廣告

俗語有云:「喺度食,唔好喺度痾。」偏偏,總有人將職場視為搵男女朋友的地方,就可能隨時闖禍。有網友分享,一名同事新入職,便睇中一名女同事,想做過「朋友」,但就唔知對方身份,隨時可能影響自己喺公司嘅前途。

撰文:Yin|圖片來源:香港討論區截圖、電影《單身男女》劇照

知道新同事可能將要闖禍,要唔要好心開聲提提佢?相信這是披露今次事件的樓主心聲,他就在香港討論區發帖,詢問一眾網友「應唔應該食花生睇好戲?」

(圖片來源:電影《單身男女》劇照)
(圖片來源:電影《單身男女》劇照)

男同事A睇上女同事 卻不知對方身份

樓主表示,新嚟的男同事A上個月入職,為人唔算乞人憎,跟樓主都傾到幾句計,但男同事A的待人處事仍然比較幼嫩,而且行事也比較張揚。

男同事A早前詢問樓主,知唔知道女同事B有無男朋友?直言覺得對方靚女,想同女同事B做個朋友。

雖然「喺度食,唔好喺度痾」,但見到靚女會想親近一下,都算係人之常情。不過,追求女同事B原來仲有其他風險,樓主尚未告訴男同事A,但就在網上披露,女同事B其實係樓主和男同事A的Team Head前女友。

(圖片來源:電影《單身男女》劇照)
(圖片來源:電影《單身男女》劇照)

女同事B原來是Team Head地下情女友

樓主在網上指出,Team Head雖然未有向他們公開這段戀情,但樓主經常發現二人「前後腳」離開公司,又曾經在放假日子見到Team Head同女同事B去街,公司內亦有過傳聞,而二人據聞在今年已經分手。

不知就裡的男同事A當然無諗咁多,好快已經向女同事B「抄牌」,相信很快就會開始追求攻勢。

正如之前所講,男同事A做事張揚又高調,樓主估計一旦他開始追求女同事B,必定會讓全公司同事都知道。樓主提到,深知Team Head並非好器量之人,似乎暗示Team Head好有可能會介意前女友跟其他同事拍拖。

究竟係咪要阻人「搵食」,令樓主感覺係陷入兩難局面。

(圖片來源:香港討論區截圖)
(圖片來源:香港討論區截圖)

樓主早知上司地下地 網友籲小心自找麻煩

雖然樓主想好人,開聲提醒男同事A行動前要三思,但網友普遍反而係叫樓主開聲前要自己先行三思。

原因係,既然Team Head刻意玩地下情,就係未必想畀其他同事知道,他同女同事B拍拖的事;而且Team Head本身也未必知道,原來樓主已經撞破他們的地下情。

假如貿貿然開聲,未知能否阻止男同事A,但肯定會令樓主知道地下情的事曝光。加上Team Head性格小器,樓主隨時因此先得罪Team Head,反而得不倘失。

(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)

網友籲樓主食花生 況且男未婚女未嫁

況且,唔少網友都認為,既然Team Head已經同女同事B分手,男未婚女未嫁,男同事A追求女同事B並無不可,如果樓主介入阻止,隨時畀入世未深的男同事A「疾」返轉頭,反而係令自己無面。

(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)
(圖片來源:香港討論區截圖)