口罩令取消丨香港靚女靚仔將要消失？網民嘆：港女末日！

Feb 28 2023

口罩令取消丨香港政府終於在今日（28日）宣布由3月1日起香港全面取消口罩令，事隔三年終於可以唔再戴口罩，令到唔少市民都舉腳支持。不過其實戴口罩嚟講呢，都真係有好有唔好，有網民就認為係「港女末日」。

口罩令取消丨網民嘆：聽日開始港女末日！

行政長官李家超終於在今日（28日）廢除3年來一直堅持的口罩令，該消息令不少市民都為之一振，終於可以呼吸一下新鮮空氣。不過有網民就出post認為，聽日開始便會踏入「港女末日」，因為不少「口罩靚女」於聽日就會被揭真面目。

口罩令取消丨街上全是「口罩美女」？

的確在這三年戴口罩的期間，唔少港女都淨係化好眼妝就出街，令人有一種「靚女」的錯覺，而一除口罩就立即大打折扣。而且唔知係咪有口罩的關係，近年港女的穿衣風格都比以往變得更大膽，在街上都能見到比以往更多元化的穿搭風格，不知道除罩後會否再次「以斂」。

口罩令取消丨連登仔：仲戴口罩一定係醜女

亦有網民認為，如果「解罩令」後依然戴口罩的港女，將「一律定義為醜女」，因為認為她們是沒有勇氣除罩所以先會堅持戴口罩。不過除了港女，其實港男同樣面臨末日，唔少港男在戴上口罩遮蓋一半面部時，都稱得上是靚仔，但如果五官盡露的話，相信同樣會狂扣分，最好例子當然是退隱江湖的豬肉威威啦。

口罩令取消丨戴口罩令穿搭更多元化？

不過其實戴口罩都對於港男港女有不少好處，港女可以化少啲妝節省時間之外，亦可以有更多勇氣去淺嘗唔同風格的穿搭，例如是今年流行的Y2K風格，而港男亦因為憑著「冇人認得」的勇氣，所以開始嘗試唔再「全身U記」，而係試穿不同風格的衣服。再者，口罩在穿搭上同樣可以成為穿搭利器，選擇同穿搭同色系或者撞色的口罩，會令穿搭都大大加分。不過相信就算3月1日就解除口罩令，仍有人會在第一時間都會Keep住戴口罩，畢竟都係一個習慣。

口罩令取消丨問AI：唔使再戴口罩會唔會少咗靚女

ChatGPT：「唔使再戴口罩」這個消息是否會減少美女的數量這點，與現實情況並無關係，這只是一個錯誤的觀念。戴口罩與美貌並無必然的聯繫，一個人的美麗不應該僅僅因為是否戴口罩而有所改變。此外，在疫情期間戴口罩是一種防疫措施，是保護自己和他人健康的表現，應該受到重視和尊重。因此，不應該將戴口罩與美醜掛鉤，而是應該尊重每個人的選擇和權利，並以科學的態度應對疫情。