動漫節Coser疑似影相趁機抽水見靚女即出手！

Aug 3 2022

2022年動漫節於8月2日正式完結，不少Coser在動漫節中都大展Cosplay能力，各式各樣的動漫人物都出現在會場當中，《Spy Family》當中的「安妮亞」更是成為了今屆的大熱人物。亦有Coser無懼禁令，繼續大Show身材，果真有料！

動漫節Cosplay絕對是一環值得去見識的環節，當中不少Coser的衣著還原程度都相當之大，而唔少靚女Coser都成為了會場焦點，一眾龍友都爭住去影相。近年因為Marvel與DC的興起，唔少Coser都會朝著美漫方向發展，Cosplay成自己最愛的英雄角色。

合照時趁機抽水

近日有一名女Coser就在IG Story中投訴一名以Deadpool作為Cosplay角色的男性，她在IG Story上表明該名Coser會借著影相的名義，繼而在合照時去攬住對方並作出抽水的行為。有連登網民同樣分享相當經歷，指該名Coser借在拍照時趁你不為意時作出抽水行為。

網民更指：「呢啲XX，是但淘件衫返嚟就話自己係coser，實情就係想抽啲女仔水，仲要專登揀件蒙面嘅，等人認唔出佢。」。之後都有不少Coser同樣有出聲，指自己都有經歷過同樣的情況。事後有網民發現該名男Coser的真面目，更對其作出攻擊。

有網民就笑稱：「做返DP本身會做嘅嘢」，又有網民分享以往上班的經歷，指一些Mascot公仔中同樣咩人都有，因為不露面的關係而進行抽水行為。不過都有網民抱住質疑的態度，認為「冇圖冇真相」，但有網民反駁指涉事者事後立即刪走3個相關post，相信是因為「身有屎」。

關鍵詞

圖片來源：連登，Dcard