分手

史上最荒謬分手原因 台女被分手向網民求救:真的假的?

網絡熱話
一段關係由相識到相愛,能夠修成正果固然好幸運,但就算未能夠相守,任何一方想離場都好應該向對方作出交待,妥善處理好。而男女分手理由繁多,常見的分手原因可能係感情變淡、出軌、性格不合等,但不按常理嘅分手原因就可以千奇百怪,令人咋舌。一名台女曾係討論區上發文表示被男友分手,但分手原因超荒謬,唔知信唔信好。而網民睇完發文亦直呼:聞所未聞!

分手
(圖片來源:電影《29+1》劇照)

超傻眼分手理由:男友先父忽然上身反對 2人交往?!

該名台女係討論區發文表示,男友非常孝順媽媽,甚至係個媽寶男,而男友媽媽本身亦不太滿意台女家庭背景,不過由於佢哋並非同男友媽媽同住,加上兩人性格互補,因此相處還算不錯。但就係發文前一日,台女原本同男友係床上傾計,忽然間男友開始翻白眼同抽蓄,情境嚇親台女,以為男友同佢過咗身嘅爸爸一樣有心臟問題,急到準備叫救護車之際,男友突然鎮定返,跟住用好陰暗嘅表情望住台女,緩緩開口:「我們家不喜歡妳,請你離開,不要在我兒子旁邊。」台女稱當時成個人起曬雞皮,相當害怕,正當台女唔知點算好,男友就突然倒下去,過咗5分鐘先慢慢起身,並稱頭好暈同詢問台女發生咩事,而當台女講出剛剛發生嘅事後,男友竟然表示「大概真的是爸爸顯靈…為了不要再驚擾到爸爸,不然我們就分手吧…」令台女當場呆咗,亦非常難過同不知所措,並表示「我根本分辨不出來是真附身還是假附身腦袋很亂…」

分手
(圖片來源:電影《我左眼見到鬼》劇照)
分手
(圖片來源:Dcard討論區)
分手
(圖片來源:Dcard討論區)
分手
(圖片來源:Dcard討論區)

台女補充男友媽寶行徑驚人,同媽媽超親蜜

發文引起網民熱烈討論,有不少網民表示既荒謬又詭異,認為男友係做戲,更稱媽寶男本來就唔要得,加上男友媽媽唔中意台女,可能成件事係由媽媽策劃!台女隨後亦補充有可能,因為男友好聽媽媽話,加上當日男友休假,可以事前準備好。台女之後更爆男友同媽媽關係非常好,男友放假返屋企媽媽從來唔需要佢幫手做家務,貼身衣物亦由媽媽清洗。如果台女喺男友屋企過夜,媽媽更會要求男友同媽媽孖鋪,寧願台女自己瞓男友間房。

分手 有網民認為男友做戲。
有網民認為男友做戲。(圖片來源:Dcard討論區)
分手 有網民表示嚇人!
有網民表示嚇人!(圖片來源:Dcard討論區)
分手 更有網民認為係男友媽媽策劃。
更有網民認為係男友媽媽策劃。(圖片來源:Dcard討論區)
分手
(圖片來源:電影《東京鐵塔:我的母親父親》劇照)
分手 台女表示男友係媽寶男,和媽媽關係親密。
台女表示男友係媽寶男,和媽媽關係親密。(圖片來源:Dcard討論區)

網民表示難以置信,唔知笑定驚好,但分手就無容置疑!

對於台女嘅遭遇,網民們紛紛報以同情,更提醒佢「記得去收驚」,亦表示不管係真係假都建議「放生對原po比較好」。最後台女表示:之後男友當晚半夜返屋企搵媽媽,之後扮工無聽電話,無再特別同佢交代,但兩人「這應該是分定了啦,只是還在想要怎麼戳破他,還是就乾脆一點不要追究了,但真的是我遇過最扯的分手理由…」

分手
(圖片來源:電影《人面魚 紅衣小女孩外傳》劇照)
分手 網民留言提醒台女「記得去收驚」!
網民留言提醒台女「記得去收驚」!(圖片來源:Dcard討論區)
分手 不少網民表示難以置信,但勸台女分手!
不少網民表示難以置信,但勸台女分手!(圖片來源:Dcard討論區)
分手 有網民稱「放生對原po比較好」
有網民稱「放生對原po比較好」(圖片來源:Dcard討論區)

圖片來源:Dcard討論區、電影《我左眼見到鬼》劇照、電影《29+1》劇照

YOU MAY ALSO LIKE ...