網民轟平價健身plan無好嘢 整合PT必講5大hard sell流程!

網絡熱話

廣告

香港愈來愈多人做gym,gym room愈開愈多,競爭愈來愈大,唔少gym room為求吸引更多顧客,推出一啲相對便宜的plan,不過有網民就喺討論區出post,指呢啲plan唔係真係咁荀,仲話join完後感到非常難受!

gym 劇照非當事人
劇照非當事人(圖片來源:youtube@試當真Trial & Error)

平價gym plan 被批評到體無完膚

近日有網民於討論區出post指自己join一個間gym room的8個月$1000的plan,俾晒錢後個教練要求佢留低,然後幫佢量度身體,量度完後不斷批評佢的身體「咁輕唔會上到磅」「左右腳唔平均」網民指第一次見就批評到佢體無完膚,如果無咗呢位教練做gym都係嘥氣!然後網民拒絕教練再join其餘的plan後,該gym room的教練仲叫佢down一個銀行apps,指可以分期付款,仲寸佢話「唔係每個月咁少你都俾唔到下話」

gym 劇照非當事人
劇照非當事人(圖片來源:youtube@試當真Trial & Error)
gym 劇照非當事人
劇照非當事人(圖片來源:youtube@試當真Trial & Error)
gym 劇照非當事人
劇照非當事人(圖片來源:youtube@試當真Trial & Error)
gym 劇照非當事人
劇照非當事人(圖片來源:youtube@試當真Trial & Error)
gym
(圖片來源:LIHKG討論區截圖)

網民回應:少年你太年輕了 整合5大銷售流程

「最平反而係最貴㗎」「呢間簡直就係垃圾」「傳銷嚟,同美容院嗰啲一擔擔」「所以點解d人寧願比貴少少」「$1000/8個月,你自己諗佢賺咩,沖涼啲水費都蝕比你啦」網民仲整合呢啲健身教練必講5大銷售流程1. 先批評你身體問題,2. 叫你join plan,3. 無錢會叫你分期,4. 再拒絕就問你最多可以俾幾多,5. 你每次嚟做都會捉你錯處sell你一次「基本上都係咁,要有心理準備過左呢關,之後你每次做,佢哋會兩個一組咁去夾你,話你呢樣錯個樣錯」仲有唔少網民係咁鬧呢類健身教練「sir?佢哋有咩資格叫sir,全部不學無術,靠嚇靠呃,掛健身之名,成個健身行業比呢啲垃圾拖冧晒,搞到啲人一聽到健身就等於要碌十幾萬仲要借錢,佢哋只係狗,唔需要理佢哋」「個班垃圾係咪撈唔掂保險走嚟呃x人」

gym 劇照非當事人
劇照非當事人(圖片來源:youtube@試當真Trial & Error)

「細佬仔定毒毒?對住佢地,唔洗怕醜」

唔少網民教路「同佢講乜x都唔洗,咪x煩」「簽完1000蚊8個月就可以唔理佢,對住佢地,唔洗怕醜」「戴藍芽耳機」「P記sell屎不嬲欺善怕惡,直接講唔使唔該,亦都唔使你哋煩你哋sell,即刻就自動彈開。一係你扮基佬抽下水性挑逗下佢,包保即刻嚇到彈開啦」「其實唔駛聽佢地廢up,直接走」「試過,扮白卡扮到佢送我走」原來網民都有中過招,分享自己親身經歷「之前公司送免費半年,仲可以帶個fd白嫖半年,一樣去到話做inbody,然後分開我同個fd,各自搵條友sell我哋,我一嚟就直接拒絕咗收佢皮,跟住見我個fd 竟然想join,我想入佢間房救機時 被職員阻,即刻問佢是咪非法禁錮,即時收皮,入房代個fd拒絕埋,話自己做就得,跟住白嫖足半年一毫子都無俾過,每次sell都直接拒絕,打電話嚟直接cut線,你自己毒x格 廢啫」不過該網民就指講就易「咁當你面對面嗰陣就唔係咁易講得出口㗎啦」

gym 劇照非當事人
劇照非當事人(圖片來源:youtube@試當真Trial & Error)

關鍵詞
健身gym
圖片來源:youtube@試當真Trial & Error、lihkg討論區截圖