健身教練同吹氣公仔Margo結婚後瘋狂出軌：呢啲就係優點！
廣告
2020年時，KOL兼健身教練Yuri Tolochko同吹氣公仔Margo結婚一事相當轟動，當時Yuri Tolochko同女友Margo拍拖一年多後決定拉埋天窗，仲大搞婚禮，邀請唔少好友嚟見證，不過後來Yuri Tolochko結婚後瘋狂出軌，唔止換新的吹氣公仔之外，仲試過出軌煙灰缸，近日Yuri Tolochko宣布出軌一名同性男子，仲大讚呢個就係同吹氣公仔結婚的好處！
KOL同吹氣公仔結婚後瘋狂出軌
KOL兼健身教練Yuri Tolochko同吹氣公仔Margo結婚後不久就分手，佢ig指佢玩壞咗Margo，所以決定換一個新的公仔即係「第二個妻子」Luna，仲要順手搞個「后宮」又多咗個叫Lola。後來Yuri Tolochko宣布自己出軌，今次對象係一間club的煙灰缸，佢好鍾意呢個煙灰缸的味道，認為公仔Luna同Lola會支持佢，不過事情好快又不了了之。近日Yuri Tolochko再次宣布自己又再出軌，而今次終於唔係物件，係一位同性男子！Yuri Tolochko仲大讚呢個就係同公仔結婚的好處，自己係一個幸福的人，因為咁樣佢就可以有更多的自由同埋公仔唔會介意佢同其他人突然嚟「一番浪漫」！
回顧同吹氣公仔結婚轟動全城
Yuri Tolochko同吹氣公仔Margo拍拖8個月後認為要同Margo結為伴侶，強調佢係全心全意，更自爆自己10年前就開始接觸呢啲公仔，而當時佢同朋友一玩齊，一玩之下佢就發現佢鍾意呢啲公仔。
圖片來源：ig＠yurii_tolochko
