麥當勞叔叔都失業！中國「金拱門」推二次元角色「開心姐姐」 網民：咁熟口熟面

撰文：Odin ｜圖片來源：網上圖片 ｜編輯：海月

麥當勞叔叔都失業！中國「金拱門」推二次元角色「開心姐姐」 網民：咁熟口熟面

至於「金拱門」點解釋呢單嘢，佢地就話「開心姐姐」角色係取材於門市一位女店員，當日佢為咗同一位小朋友慶祝生日，特登著成套粉紅色衫配埋粉紅色頭帶扮演開心姐姐，「金拱門」就拎咗呢單嘢嚟做設計概念，而「開心姐姐」設計一啲都唔馬虎，「金拱門」重將佢打造成一位唱跳型偶像，身高為165公分、摩羯座、生日1月1日。早前「金拱門」重係微博搞咗個募集名字活動畀大家投票改名，但選項就固定為「金開心」、「樂小悠」及「金小兮」三個，「金開心」就排第一、而「樂小悠」及「金小兮」就分別排第二及第三。

雖然「金拱門」滿心期待將「開心姐姐」打造成一位唱跳型偶像，重話佢識示範跳舞畀小朋友睇，兼且會為小朋友舞蹈打分咁話，重會講故事畀小朋友聽，務求主打小朋友市場，不過網民就唔多受落，始終麥當勞叔叔極具代表性，加上作為最家喻戶曉嘅品牌代言人，搵個亳無代表性嘅虛擬角色難以深入民心，加上「開心姐姐」被指疑似抄襲日本虛擬偶像「絆愛」，跳嘅又係日及韓系舞蹈，甚至畀讚動作都係模仿南韓人，有網民就建議跳中國大媽的廣場舞會更適合，加上徵名活動三個選擇都相當老土，網民發揮強大創意，建議將角色改為「金拱姬」、「麥香姬」、「麥當娜」會更吸引咁話，聽落都幾搞笑，而相比改名同舞蹈，更多人希望唔好踢走代表人物麥當勞叔叔，「開心姐姐」未出道就咁唔受落，會唔會未出場就完場？