【掘Bitcoin】中國女網紅拍片教偷電掘礦!網民:搞足全日先賺得咁少

網絡熱話

廣告

【掘Bitcoin】而家香港好多商場同巴士等公眾地方都設有叉電位,有時手機就快無電,又唔記得帶尿袋,都叫做可以應到急。最近就有大陸網紅拍片示範,教人去Starbucks偷電掘礦,到底詳情係點?即刻睇睇!

撰文:馬高斯 |圖片來源: Bilibili@魚池青青|編輯:海月

網民:搞足全日先賺得咁少!大陸女網紅拍片教偷電掘礦
大陸直播平台 Bilibili上,出現一條教人去Starbucks偷電挖礦嘅影片

事源最近喺大陸直播平台 Bilibili上,出現一條教人去Starbucks偷電挖礦嘅影片,網紅片主魚池青青帶住一部內置「NVIDIA RTX 3060顯示卡」嘅神舟遊戲手提電腦,走去北京三里屯嘅Starbucks,用店內嘅電源去挖礦搵銀,話慳返唔少電費錢。順帶一提,「NVIDIA RTX 3060顯示卡」原本係針對打機用手提電腦而開發,不過因為運算能力強,唔少人就用嚟搞加密貨幣掘礦之用。

網民:搞足全日先賺得咁少!大陸女網紅拍片教偷電掘礦
網紅片主魚池青青帶住一部內置「NVIDIA RTX 3060顯示卡」嘅神舟遊戲手提電腦
網民:搞足全日先賺得咁少!大陸女網紅拍片教偷電掘礦
走去北京三里屯嘅Starbucks,用店內嘅電源去挖礦搵銀

教學片中所見,呢位網紅喺Starbucks呆坐咗4個鐘頭,結果掘礦到嘅收入係4.5蚊人民幣(大約 5.4港元),跟住佢仲諗到一條「妙計」, 可以24小時掘礦大絕,朝早先去Starbucks,夜晚就去24小時營業嘅老麥繼續掘,仲話咁樣無咁易被人發現喎。

網民:搞足全日先賺得咁少!大陸女網紅拍片教偷電掘礦
喺Starbucks呆坐咗4個鐘頭,結果掘礦到嘅收入係4.5蚊人民幣(大約 5.4港元)

咁搞呢搞路,每日收入就有23蚊人民幣(大約27.6港元),大約260日就可以回返價值約6000人民幣手提電腦嘅本,如果開啟超頻模式,仲可以將時間縮短約30日。

網民:搞足全日先賺得咁少!大陸女網紅拍片教偷電掘礦
每日收入就有23蚊人民幣(大約27.6港元)
網民:搞足全日先賺得咁少!大陸女網紅拍片教偷電掘礦
大約260日就可以回返價值約6000人民幣手提電腦嘅本

條片一出,大陸網民就紛紛討論同批評,唔少人認為雖然佢無犯法,但係就好缺德囉!亦有網民覺得搞足全日,又要困喺Starbucks同老麥,一日先賺得個丁碎咁多,買杯咖啡食個老麥餐都無咗,真係無言。