內地推中菜Omakase 中國網民大讚夠晒創意！
廣告
Omakase相信對於香港人來說絕對不陌生，沒有吃過都一定有聽過。Omakase通常都以日菜為主，顧客能夠每天都食到當日新鮮的廚師食材。不過近日內地突破框框，竟然推出以中菜為主的Omakase。
內地推中菜式Omakase 中國網民大讚夠晒創意！
位於中國上海的一間餐廳「頭灶」，近日創意大爆發，決定以Omakase的形式去讓顧客體驗日式餐廳文化，所以用「中菜日作」的方式去製作食作，富有十分高的創意感覺。
$2,000蚊食16道菜
雖然係中菜Omakase，但其實叫價同日式Omakase一樣咁貴，人均消費$2,000，有16道菜式。當中包括口水魚、脆皮雞、和牛同老遙虎斑等等。食材十分豐富，不過由於係Omakase的原故，所以在分菜時每樣都淨係分到少少。
好難食得飽？
廚師雖然大展功架，煮出一道道好味的中菜，但每次食客都只能食到一小片或者是一小碗。其中一味脆皮雞為例，廚師煮好後會繞場一周展示隻雞，跟住就將食材分配給食客，每人都只能分配極少分量，而且只會取大脾肉的精華部分，的確少得可憐。
主食同甜品都係得好少
Omakase沒有主食又點夠飽呢？不過中菜Omakase就令人有些許失望，其主食份量同樣少得可憐，燸米飯少到好似就咁數都數到有幾粒一樣。最後甜品方面亦都毫不精緻，就好似街邊麵包鋪買來的中式糕點再翻熱上碟一樣。
中國網民大讚有創意
不過都有不少中國網民在食完之後大讚其中菜Omakase的做法十分有創意，更指每一道菜都可以食到獨特的味道。仲有網民大讚其體驗感比起菜式的份量更重要，認為有機會是可以去試一次的。
香港網民：炒埋一碟都唔夠飽
不過香港網民就不看好其中菜Omakase的做法，認為其做法真係塞唔爆自己，而且對比起日本Omakase的話，其食材的確也有差距。有網民就笑稱細細個學食飯時就是用Omakase的方法，所有嘢都係一啖一啖。
圖片來源：大眾點評，Facebook，小紅書
