經典｜網民嚴選10大洗腦神曲排行榜 超越Donki、Yuu聽完返唔到轉頭

經典｜網民嚴選10大洗腦神曲排行榜 超越Donki、Yuu聽完返唔到轉頭

近年在香港開設多間分店的日資超市「驚安之殿堂」，除因超多日本貨品大受消費者歡迎，而且一進入店鋪中一定會聽見相當「洗腦」的主題曲《Miracle Shopping》。輕快歡愉旋律加上當中一句歌詞「Don Don Don~Donki~」多次在曲中出現，形成上口「洗腦」效果。而Donki洗腦歌在網路上評價兩極，因為覺得好聽的人會百聽不厭，更會一齊唱；而不喜歡的人則表示在超市內播放次數太頻密，有如疲勞轟炸。

日前牛奶公司推出「YUU」獎賞計劃手機App，更邀請林子祥、林德信兩父子唱宣傳廣告的主題曲，令原來林子祥所唱、改編自其名曲《我愛你》的宣傳歌YUU唱到街知巷聞。因為旗下店舖包括惠康超巿及萬寧，店鋪內不斷播放「YUU」，就算只是入內購物短時間，亦會令你無時無刻都在腦海中響起歌曲。有網民表示相當佩服店鋪員工，皆因上班時「日日Loop住，真係人都癲！」。

因為「YUU」歌曲太過洗腦，有網民發起投票「問究竟兩首洗腦歌《Don Don Donki》和《YUU》哪首比較洗腦」，結果《YUU》獲超過6成票數勝出成為新一代「洗腦歌王」。而林德信亦在IG出Po貼出投票結果，相信連佢都估唔到歌曲如此「入屋」！

網民點睇：

10大洗腦神曲排行榜

1. 屯馬開通真的很興奮

2. YUU

3. Don Don Don Donki

4. 快食樋屋~樋屋 樋屋奇應丸

5. 有病唔駛怕 保濟丸

6. 如果太多牛奶味朱古力味冇定企 維他朱古力奶

7. 咀香園！咀香園！買手信！買手信！ 咀香園

8. 尖~尖~尖~ 獅王適齒美牙刷

9. 雪~雪~雪~-金龍船餅家雪雪凍

10. 名古屋月餅

隱藏神曲：唏呀唏呀唏 呀唏呀唏 皆大歡喜

隱藏神曲：師傅愛你

繼羅先生《屯馬開通真的很興奮》後，AlipayHK日前亦同七師傅聯手首度獻上勁歌熱舞，推出新歌《師傅愛你》唱出以AlipayHK領取消費券優勢。七師傅新歌《師傅愛你》不但請來MIRROR MV攝製團隊進行拍攝，編舞更非常有韓國女團感覺，舞步又要扭腰又要成日要走位，難度唔細！七師傅直言：都練咗一排，不過我都駕馭到嘅。

而《師傅愛你》歌詞提到「七師傅愛你 帶你行正路」、「愛你七師傅愛你」、「著數出奇AlipayHK賞多你5,000有機」，加上改編自謝金燕《嗶嗶嗶》洗腦非常，絕對有力成為2021年洗腦歌新力軍！

《師傅愛你》 主唱：七仙羽師傅

5,000～5,000～　唔知點樣用好
我講～嘅係～　派發嘅消費券
一齊嚟（Come On！）同我一齊登記（AlipayHK　AlipayHK）
你要～開心～　依家睇我跳舞
七師傅愛你　帶你行正路
一齊嚟（Come On！）用AlipayHK
（AlipayHK賞多你5,000有機）
（嗶嗶　嗶嗶嗶　嗶嗶嗶嗶嗶）
AlipayHK　（Download就OK）
愛你七師傅愛你
網購埋單AlipayHK操作簡單
愛你七師傅愛你
用你手機AlipayHK　用佢最好
愛你七師傅愛你
著數出奇AlipayHK賞多你5,000有機
愛你七師傅愛你
享邊度都好AlipayHK　用佢最好
（七師傅愛你　七師傅愛你　AlipayHK　AlipayHK）

另外AlipayHK亦為$5000電子消費券推出鋪天蓋地的優惠獎賞，包括每位用戶成功登記後可選擇5份登記勁賞，有機會可獲超過港幣5,000元禮券。另外，活動期內每月消費次數最多的首10位用戶，可獲額外港幣$5,000獎賞，隨時有機多賺不止港幣5,000元！

【洗腦歌】羅先生《屯馬開通真的很興奮》殺到！

港鐵屯馬綫日前於6月27日早上全綫通車，成為全港最長的鐵路綫。早前一班「鐵路迷」凌晨守候「特別頭班車」，當中鐵路迷「羅先生」鏡頭前難掩內心亢奮，更於接受記者採訪時高歌一曲，結果一首原曲採自英格蘭民謠《綠袖子》（Greensleeves）的洗腦神曲 《屯馬開通真的很興奮》，極速獲網民合力編製成不同版本！

港鐵屯馬綫接駁西鐵綫原有路段，全場56公里的屯馬綫來往烏溪沙及屯門，共有27個站。通車當日，有專程乘搭頭班車的乘客指，能見證屯馬綫開通的歷史時刻，感到超級雀躍。當中受訪的崔小朋友表示：

「好興奮好開心，因為這條綫是我一出世，到現時慢慢在建築中，今日終於開通，所以是好興奮的事。」

被問及由出生到現在等了多久，他回應：「差不多十年了，因為這條綫建了十年，我便剛剛好十歲。」

不過最知名的就係羅先生，在鏡頭前發表自己撰寫的主題曲：

「這句歌詞我自己想的，屯馬開通真的很興奮，就是這樣了，可以形容我此刻的心情。」

1. 網民二創《屯馬開通真的很興奮》完整版 —

為了表達對鐵路迷羅先生的尊敬，網民極速二創及完成這首洗腦神曲：

《屯馬開通真的很興奮》— 羅先生 Arranged and Edited by Daniel Lau

歌詞： 屯馬開通真的很興奮 屯馬開通～
很興奮 屯馬開通真的很興奮 屯馬開通～
屯馬開通 開通真的很興奮 屯馬開通～
很興奮 開通真的很興奮
屯馬開通～屯馬開通

由於原曲不但係英國民謠《綠袖子》（Greensleeves），亦係香港DSE聆聽公開試的背景音樂，早已成為數百萬考生的集體回憶，所以大家都樂於為此洗腦金曲完成不同版本！

2.屯馬開通真的很興奮 – (原曲: 綠袖子) 改編歌詞: 羅先生, 薑檸樂

《屯馬開通真的很興奮》 原曲: 綠袖子 改編歌詞: 羅先生, 薑檸樂

屯馬開通真的很興奮 要作返首歌盡訴心情

夜半半夜一班鐵路迷 集結於黨鐵未能受控制
一點開始不睡眠 為咗呢班車又洗乜睡眠
等~等~等超過十年
自佢一出世便期待這次
屯馬開通真的很興奮 就以一首歌熱爆新聞
大叫好癲一班鐵路迷 集結於黨鐵便尋獲快慰

3. 屯馬開通真的很興奮 x 熊熊兒童合唱團版本：

4. 屯馬線一鏡直落無限Loop版本 ：

由屯門坐到去烏溪沙，全程聽住羅先生的金曲：

屯馬琴操姑娘

屯馬開通真的很興奮！港鐵屯馬綫6月27日早上全綫通車，有唔少市民專程乘搭頭班車見證屯馬綫開通的歷史時刻。當日接受訪問的羅先生，以英格蘭民謠《綠袖子》的調子，唱出「屯馬開通真的很興奮」，影片瞬間紅遍網絡，獲一眾網民合力編製成不同版本。近日一位女網友Nicole Leung亦加入抽水行列，在IG表示「小妹都忍唔住屯馬埋一份」，谷胸配熱褲上陣，用鋼琴彈奏《綠袖子》，別有一番風味，更獲網友封做「屯馬琴操姑娘」。

谷胸露兩手

其實番查Nicole Leung嘅IG，原來佢係一位鋼琴愛好者，平日喜愛喺IG以緊身低胸裝露兩手，不定時表演琴技同網友分享，所以一向有一班忠實粉絲支持。今次Nicole Leung只係着緊身衫配熱褲彈奏《綠袖子》，就有唔少粉絲表示太過保守，紛紛留言話：「今日太多布了」、「今次少咗條事業線，所以你彈得冇咁好」、「條線呢？」等等，但亦有網友留言表現雀躍：「睇你彈琴真的很興奮」及「想同你一齊坐屯馬線」，睇嚟屯馬開通大家都很興奮。