網友嚴選 十個TVB穿崩鏡頭!調轉部電話講嘢、戲服重複又重複?

熱話

廣告

早前有網友講完十大大台理論後,得到好多人共嗚,今次再接再厲,神心咁上載TVB十大穿崩鏡頭,每個鏡頭可能大家睇嘅時候都未必會留意到,但經網友講一講,又的確穿崩得難以掩蓋!立即去文啦!

網友嚴選 十個TVB穿崩鏡頭!

1)回到三國 打仗一隻馬都冇?

網友指大台的《回到三國》,是描述三國時代打仗的劇集,不過在戲中,無論是諸葛亮、馬明、關公都是行路打仗,在劇中從來沒有見過一隻馬!而當中有一場戲講到見到熊貓,CG技術更令人嘩然!

TVB 多個打仗場景都冇馬!
多個打仗場景都冇馬!(圖片來源:TVB截圖)
TVB 熊貓點解會係咁嘅樣....
熊貓點解會係咁嘅樣….(圖片來源:TVB截圖)

2)戲服重重複複又重複

其實TVB的戲服重複使用都唔係新鮮事,不過重複得太多就令人留意到啦!好像網友就尋找到不少被重複使用的戲服,當中更指飾演《衝上雲霄》的唐亦琛機長的吳鎮宇,戲服由《難兄難弟》著到去《衝上雲霄2》!

TVB Captain Tong件衫原來有成15年歷史!
Captain Tong件衫原來有成15年歷史!(圖片來源:TVB截圖)
TVB 覺得邊個著得靚啲?
覺得邊個著得靚啲?(圖片來源:TVB截圖)

3)賞月食糖水,咁遲先call我哋

與陳豪的「同朕Check吓」不相伯仲,在民初時期,古代人英文底子都有返咁上下!

TVB 古代人的英文真係有返咁上下。
古代人的英文真係有返咁上下。(圖片來源:TVB截圖)

4)高樓大廈入鏡

話到明穿崩,當然唔少得古代劇出現高樓大廈啦!網友就指除了戲中出現大廈外,就連電視劇照、海報都出現大廈,更於古代出現支裝烏龍茶!

TVB 背後的高樓大廈超突出!
背後的高樓大廈超突出!(圖片來源:TVB截圖)
TVB 呢啲唔眼利都睇唔到!
呢啲唔眼利都睇唔到!(圖片來源:TVB截圖)
TVB 唔知係咪皇上鍾意飲呢?
唔知係咪皇上鍾意飲呢?定真係植入式廣告?(圖片來源:TVB截圖)

5)調轉部電話講嘢

網友搵到唔少TVB 主角聽電話的鏡頭,不過就發現一個共通點,就是將電話掉轉講嘢,到底主角們留唔留意到呢?

TVB 到底當時演員們會唔會留意到呢?
到底當時演員們會唔會留意到呢?(圖片來源:TVB截圖)
TVB 連劇照都係掉轉部電話傾計。
連劇照都係掉轉部電話傾計。(圖片來源:TVB劇照)

6)經典穿崩鏡頭 陳豪:同朕再check吓

要穿到經典中的經典,陳豪當然不能不提!在古代貴為皇帝的陳豪,居然在劇中叫人幫佢「Check下」,成為萬世敬仰的穿崩劇!不過網友再同場加映陳豪的穿崩鏡頭,在鏡頭前,穿著中式戲服的陳豪,口袋居然有發光手機!

TVB 陳豪又敗在手機上!
陳豪又敗在手機上!(圖片來源:網上圖片)

7) 貨van亂入古裝劇

穿崩鏡頭大多是古裝劇出事,好像古裝張繼聰身後,就出現了現代人的送貨Van,駕駛速度都有返咁上下!之後張繼聰都有恥笑自己的穿崩位!

TVB Van仔仲比演員更出位!
Van仔仲比演員更出位!(圖片來源:TVB截圖)

8)上一秒仲係日頭 下一秒就天黑

由於TVB多數是分鏡拍攝,所以天氣狀態都是一個拍劇考量之一,但亦是令穿崩機率提升!好似網友就搵到一個「上一秒仲係日頭 下一秒就天黑」的鏡頭,可以見到一秒前主角開始跌落橋底是朝早,一秒後跌完就變天黑!

TVB 到底跌一跌要經歷幾多個鐘?
到底跌一跌要經歷幾多個鐘?(圖片來源:TVB截圖)

9)C Drive上網大法

在TVB劇,經常都有影到主角上網的版面,有網友就眼利見到每一次都是C drive上網,更被網友恥笑!

TVB C Drive 上網被網友極力恥笑。
C Drive 上網被網友極力恥笑。(圖片來源:TVB截圖)

10)海報穿崩!馬德鐘有三隻手

除了劇集外,穿崩鏡頭都去到海報上面,《東山飄雨西關情》的海報上,馬德鐘抱緊佘詩曼,卻有第三個人的手,到底隻手係邊個呢?

TVB 到底第三隻手係邊個呢?
到底第三隻手係邊個呢?(圖片來源:《東山飄雨西關情》海報)

資料來源:連登討論區

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

圖片來源:TVB劇照、網上圖片、TVB截圖、《東山飄雨西關情》劇照