港男見證TVB墮落感心噏 數3大理據力證香港唔可以無咗大台
港人稱「睇住TVB墮落好心噏」 稱：由細睇到大真係好失望
TVB近年來的節目質素都被港人詬病，不但「越嚟越偏」，節目內容更是「抄上抄」、「啲人嚟嚟去去都嗰幾個，睇到都厭」、「連愛回家選角都有問題，劇情又亂咁嚟」等，因而不少人轉投ViuTV或其他頻道。而近日有港人就喺討論區以「有無人睇住TVB墜（墮）落好心噏」、「你哋係咪好想TVB執笠」為題發文，指「TVB而家幾垃圾都好，都叫做係陪住一代人成長」。發文者指自己從小便看TVB，「細個成家人一齊睇奬門人笑得好開心。但經過呢幾年失望到絕望，而家聽講啲人話奬門人炒冷飯？Sorry，我連開嚟睇嘅意欲都無。上網睇到TVB 嘅新聞來來去去都係得返股價跌幾多，純利又蝕幾多」。
認真分析TVB最大敗筆：合拍劇
而帖主認為TVB最失敗的更是只著重內地市場，香港人對於這改變「根本無興趣」，更問「喺香港，有幾多本土人會鍾意你啲合拍劇？而家畀你拍咗啲劇出嚟，又有幾多大陸人鍾意？佢哋以前鍾意睇TVB劇就係因為夠香港，無嗰浸大陸味，啲高層根本唔識玩」。
有人稱香港無咗TVB會「好大件事」 力數3點影響遠大
而有另一個帖文的發文者指「你哋係咪真係好想TVB執笠」，稱香港沒有了TVB「真係好大件事」，事關他認為「你接唔接受到你或隔離屋小朋友睇央X？幻吾幼以及人之幼，我哋應該好似愛護自己小朋友咁愛護其他小朋友」，而且「tvb係我一代人，兩代人成長嘅證明」，失去TVB等於香港失去集體回憶，這是無可否認的事實。另外亦有人提到很多人是透過看TVB劇集來學講廣東話，一旦TVB執笠，會令很多人少了機會接觸廣東話。
網民狂嘲「唔執先大件事」 舉1說法即令帖主投降
不過網民看到兩位樓主的說法都不敢苟同，認為「見住佢執笠有無比快樂」，指「世界會進步，而家主流都係睇Netflix、YouTube、Disney+㗎啦，有幾多人真係仲會坐係度睇電視，咁多娛樂」、「佢自甘墮落㗎喎，都無見到佢有決心想做高質嘅節目」、「153搵埋同佢同一類人拍劇，唔死至奇啦，SUPER」、「唔睇TVB就要睇央X係咩邏輯」、「成長嘅證明⋯⋯你無出世紙身份證嘅咩？佢唔執就真係大件事啦」。
面對網民的奚落，帖主都堅持己見，叫大家多多支持，唯獨有網民一語中的稱「你都戇X，就算TVB唔執笠而家啲小朋友咪又係睇抖音同睇大陸節目，根本就唔關個電視台死唔死事」，聽到這句後他即投降轉軚稱「咁又係，你講得啱」。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
