一次過捕獲！Tsum Tsum萌全員

Q: 有沒有關於香港的有趣盤點？

香港地從來不乏心靈熱點，香港不少地方均設立行刑場，正正是大部分屋邨興建時的前身， 盤點香港猛鬼屋邨 ，信不信由你！不少朋友都喜歡想當年， 香港懷舊小食 及這 10款最愛夾糖 是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方， 千禧年代必去蒲點 ，你又去過幾多個呢？

Q: 有甚麼必學生活小智慧？

天氣時熱時凍，容易令人患上小感冒，唔想次次依靠藥物？可以試試這 8招必學鼻塞穴位方法 及 7大喉嚨痛舒緩方法 。除了感冒外，生痱滋亦非常影響日常生活，坊間有各式各樣的 解決痱滋方法 ，助你解決痛楚！

熱話

CentralBlogger_NM

Apr 15 2015

由LINE研發嘅手電遊戲《Disney Tsum Tsum》，2013年喺日本推出，短短4日下載次數已經突破100萬！上年香港都開始有得玩，推出至今一直都擁有極高人氣。

由即日起至5月5日，喺又一城會舉行全港首個「Tsum Tsum Festival反轉又一城」展，除咗展出10組《Tsum Tsum》大型裝置，當然唔少得Pop-up Store，忠粉去到勢必陷入瘋狂狀態，一齊捕獲Tsum Tsum返屋企啦。

text – Jessie photo – Rover、Billy

https://www.youtube.com/watch?v=CXSuscADNuU

《Tsum Tsum》=堆疊

有樣嘢可能連忠粉嘅你都未必知，就係《Tsum Tsum》唔係用英文讀法，話明喺日本推出先，咁就梗係日文嚟，佢個名係讀成「tsu-mu tsu-mu」（ツムツム），喺日文有堆疊埋一齊嘅意思，唔好再讀錯喇！有咁嘅意思，因為遊戲玩法係將3個或以上相同嘅迪士尼角色公仔頭疊埋一齊，即可消除即可得分，分數達到標準就可過關。
由於遊戲嘅屬性係將得意嘅角色層層疊起，今次展覽嘅展品造型當然亦以層層疊為主題，最大亮點係擺喺LG2中庭嘅6米高巨型雕塑，由多位《Tsum Tsum》成員堆疊而成，忠粉必定要去朝拜！

內容延讀：

全球首個！同海賊王並肩冒險《One Piece》3D畫展

香港首個美少女戰士20週年時裝企劃

吉卜力時代店嚴選必買精品

迪士尼人物大晒冷

《Tsum Tsum》係將眾多Disney同Pixar嘅角色統統搓圓撳扁，縮細再拉長，將本身已經係卡通造型嘅佢哋再Q版化，隻隻都圓碌碌萌到爆，睇見已經成個人軟晒，有乜可能唔受歡迎先？截稿前暫時《Tsum Tsum》角色已有69隻。除咗去迪士尼樂園，有幾可見到佢哋一次過晒冷咁齊人？
成個展覽有10組影相位，分布喺商場嘅LG2、G同埋UG，有米奇、米妮、維尼、史迪仔、三眼仔等卡通人物，連迪士尼當紅炸子雞《魔雪奇緣》愛莎都嚟埋，全部齊聚香港。咁多組裝置，展場內又人山人海，真係隨時迫到睇漏眼，mark實！

即睇組裝過程

我哋而家可以睇到咁多咁得意嘅公仔裝置，固然要多謝一眾動畫設計師，亦要多謝喺開展前連續兩晚，趁商場閂門之後喺凌晨不停趕工6、7個小時嘅組裝師傅，個個都身手敏捷，記者喺現場親眼所見，有啲位置佢哋重要抬住好重嘅公仔雕塑行樓梯，但仍然面不改容，真心佩服！
我哋一連兩晚都有直擊成個組裝過程俾你哋睇，再想睇多啲？可以入埋我哋facebook page同網頁㗎！

facebook直擊組裝過程

「Tsum Tsum Festival反轉又一城」
日期：即日至5月5日
時間：10:00am-11:00pm

地點：又一城LG2層、UG層及G層
費用：免費
查詢：2844 2222/5500 2342

內容延讀：

全球首個！同海賊王並肩冒險《One Piece》3D畫展

香港首個美少女戰士20週年時裝企劃

吉卜力時代店嚴選必買精品

Pop-up Store走幾轉

而家嘅展覽又點少得Pop-up Store？喺LG2層展場內就有全球首間《Tsum Tsum》Pop-up Store，獨家發售過百款《Tsum Tsum》限定商品，大部分都係為今次活動而設計嘅限定商品，大會話products係採取不定期分批陸續返貨，所以大家可能要走多幾轉。先保持冷靜，睇下我哋有咩推介先：