五星級酒店Staycation後出紅疹!港媽投訴酒店 網友:同老屈有乜分別
港媽孖兒子入住五星級酒店 6歲兒全身出紅疹!
事緣有港媽就在網上大呻,指自己與6歲兒子入住尖沙咀五星級酒店。「早前兩大兩小(來自兩個家庭)check in入住美xx酒店一晚,套票包左dining credit, 我地用黎食晚餐,所以check in 後大部份時間都留係房間。」在入住過程中,兩家人都沒有大礙,不過退房後,港媽就指兩位小朋友身上出現小紅點。到第二、第三日,小朋友的紅疹範圍擴大,並帶小朋友睇醫生。「肚,背脊,手,腳都有,而紅疹中更有小水泡,並且非常痕癢,我哋兩個家庭各自去睇醫生,醫生話俾我哋聽,哩啲好大機會受到一啲致敏源,又或者係過濾性病毒感染,而醫生亦開左5天病假俾我既6歲小朋友(可想而知,情況有幾嚴重)。」
港媽指因為是入住酒店後才出疹,因此就傳電郵給酒店,讓酒店了解入住後遇到的問題。「我地兩個家庭在過去一星期,只在酒店內有聚會相處,而check out 後的晚上就發現紅疹,希望佢哋知道我小朋友既情況,能夠正視問題,唔想再有下一個受害者。」而酒店亦致電港媽,了解港媽所需要的,並指酒店已滅蟲,但卻並無發現,認為與酒店衛生無關。及後港媽要求酒店提供滅蟲報告,酒店亦指可以提供,不過港媽卻並無收到。因此港媽大呻「一間無正視問題既酒店」
致敏源太多難搵原因 !網友:同老屈有乜分別
有部分網友都認同該酒店的衛生需要改善,更加身同感受,曾經出疹。「我訓左一陣發現我哋兩個大人都全身一點點紅點,勁痕,即刻要求換第二間房先無事,所以一定係衞生有問題。」並指如果帶仔女入住,小朋友免疫力較低,敏感機會大大提高,所以可以預備一些私人用品,以免致敏。「其實酒店咁多人住 真係好污糟 再高級嘅酒店都唔會每日做全面消毒掛…一般人免疫力應該好就無乜問題 但帶小朋友真係要注意風險」
不過,卻有網友認為致敏源太多,不應一口咬定是酒店的錯,而且酒店態度亦算良好,打了一大篇回覆港媽,已盡到酒店的責任,認為港媽「到底想酒店點樣做」,疑似係想再𢱑酒店的著數。「唔該大家唔好乜都賴酒店!」、「其實樓主你期望酒店俾啲乜嘢反應你?定係你想佢清潔好間房?請你返去免費再住兩晚?」、「同老屈有乜分別」、「講致敏源嘅話其實週街都係」
不過事後港媽再度回覆網友,指自己只係想講件事出黎俾大家留意下,唔講就等如無發生,並且唔會攞自己同小朋友個身體黎玩,唔知可以拎咩著數!
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!