搵工定曬命？linkedin變另一個IG平台 網友：其實真係冇咩私隱
網友指linkedin變另一個IG平台
與其他搵工Apps不一樣，linkedin是一款社群網路服務網站，當完成註冊後就會自動帶入電子名片，剛剛成立時其實是專門為商業人士設立。求職者可在平台上更新自己的履歷，而企業或僱主也可以發布職位，同時尋找合適的求職者，可inbox對方進行面試等等，非常方便！不過，linkedin的發展，被網友認為開始變得愈來愈社群化，更於網上以「身邊啲人玩linkedin玩到好似ig咁」為題，變熱討話題！
樓主指朋友玩linkedin的程度，拍得住玩Instagram ，「我見啲fd會好俾心機打入面啲內容，會成日出post，咩公司成班人食飯elon musk有咩新聞咁，係咪個個人都要有linkedin？」有網友對樓主提出的表示認同，更列出6個玩linkedin一定會睇的資料，包括「舊同事有咩好路數」、「等agent搵你見工」、「睇下前上司/同事中年失業未」、「同行top嗰班係點上位」、「中學/大學同學撈成點」、「邊間公司多靚女apply得過」
搵工定曬命？網友：玩得嘅都係天之驕子
而不少網友就表示對linkedin不感興趣！大部分人認為只是一班「叻人想show off」的平台，將自己的私隱放上網，讓大家可以瀏覽自己的經歷，覺得沒有安全感，同時亦認為平台亦只是某班人想擴闊圈子而要用的，所以表示沒有太大興趣。「玩得都係agent或者保險狗」「玩得嘅都係天之驕子，可以有大把人inbox合作搞start up」「真係冇咩私隱」「linkedin 淨係一堆hr agent 喺度搵食，喺咁send pm 氹你轉工，煩死，個條feed 又無咩用，純粹一個數據庫畀你搵工/掘人」
見工成功入外國公司！網友：可以擴闊外國圈子
不過，亦有網友指linkedin都係一個好好途徑賺錢，因為不少人都可以Inbox對方，給予搵工做嘢的機會！有網友表示男朋友就是在linkedin賺到Freelance錢，「真係有人搵佢幫手整個marketing campaign，然後就當賺咗啲零用錢！」「聽friend講LinkedIn搵工幾有用」同時更有網友指linkedin可以擴闊外國圈子，得到在外國工作機會「真係識人係LinkedIn收到Amazon 邀請見工，最後請咗，不過係外國。」
資料來源：連登討論區
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
