JPEX最新公告超搶口！4大反擊證監會：言論被公開針對
JPEX案丨JPEX 4大反擊證監會部分說法屬嚴重誹謗
JPEX被證監會指控後並沒有停運，仲一直有更新連日發表不少聲明。最新聲明9月19日，JPEX回應香港證券及期貨事務監察委員會（SFC）的新聞發佈會，首先認為發佈發言人惡意針對，而且言論「JPEX已停止平台交易運作」係屬嚴重誹謗行為！JPEX指現正配合香港法規將遊戲大廳及理財項目功能下架，但平台一直正常運用。
再者JPEX指出證監會否認同JPEX進行聯絡都係失實，表示喺2022 年 4 月至 2023 年 8 月期間，JPEX一直同證監會進行聯絡，並尋求相關指引，盡心盡力配合，但反而一直未有收到正面回應以及指引，JPEX仲將與證監會聯絡的email截圖post出。
JPEX案丨逐一反擊證監會言論：失實
JPEX回應「平台私自保管客戶私鑰」一事，JPEX認為「發言人已混淆中心化交易所與錢包的差別」，認為交易所全部都係由平台保管所有客戶私鑰，除咗為方便用戶之外，仲會向使用者提供更專業的保安方式﹐以保障用戶的資產安全。
JPEX案丨反寸證監會：其餘加密貨幣皆無任何的價值
對於香港證監會質疑平台幣JPC流通性同價值，只有JPEX上架一事，JPEX回應JPC喺好多世界性平台已有上架，包括 ：MEXC﹑CoinW 及Lbank等。仲反寸證監會「如根據證監會的說法，宏觀整個市場，除比特幣及以太坊外，豈不是所有Binance , OKX , Bitget, Bybit, 火幣等，所發行的平台幣和其餘加密貨幣於證監會眼中皆無任何的價值？」
JPEX案丨認為被證監會公開針對 感極度失望！
JPEX聲明希望得到證監會公平的對待，認為被公開針對，而且對於證監會「不公平的手法破壞市場秩序」極度失望，認為係有違政府希望打造WEB 3.0 之都的政策發展。最後再次強調JPEX平台係唔會就咁倒下，會堅定不移地繼續營運下去！
JPEX案丨網民：真係幾堅 第一次見比人查緊仲頂到咁衡！
對於JPEX官方聲明唔少網民都表示真係忍唔住讚嘆JPEX，明明俾人查緊仲可以句句頂到咁衡，態度仲寸到爆「好似啲恐怖分子講嘢咁」「佢哋真係幾堅」「jpex 咁搶口」「當務之急，係與時間競賽」「嗰篇嘢咁x搶口，幕後嘅肉身一定唔喺香港」「成班幕後黑手肯定都唔會喺香港」
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
