iPhone投影機最新面世?即教你15分鐘自製攻略

熱話

廣告

iPhone SE面世,身邊開始有朋友轉會甚至由6S跳回頭,重拾單手打字樂趣。螢幕細,打機、睇片其實有一定限制,心血來潮,不如自製iPhone投影機,鞋盒、放大鏡、幾張膠紙,15分鐘即可完成,到底work唔work?立即齊齊動手試試~

text – Nam

iPhone投影機 SE都變人人睇得好開心

看外國網站介紹就多,真正落手自己搞,準備功夫好簡單,鞋盒、放大鏡、筆、膠紙等,編輯部大量供應,差少少隨便就拿起同事對Yeezy Boost鞋盒玩(玩完應該絕交)。特別留意,一般建議用黑色盒,特別是內籠要黑,盡量吸走多餘光線,投射出的畫面會更清,記者搵過不少牌子,原來甚少全黑,所以用黑色膠紙貼實補數。材料萬事俱備就可以整,過程最多15分鐘,結果是,雖然真的投射成功,不過講真,玩味多過實用,別旨望幾十蚊DIY可以媲美坊間專業投影機。做到悶悶哋,當輕鬆玩吓啦~

STEP 1:準備材料

就是這幾樣,不算麻煩,最貴應該算是放大鏡,尺寸愈大愈好,記者在秘書檯面偷…

STEP 2:鞋盒變黑

內籠愈黑,效果愈好,但其實都可以省卻這步驟,只要室內環境夠黑,畫質一樣OK。直接買個黑色紙盒亦得。

STEP 3:界刀開窿

然後用放大鏡的size在鞋盒的旁邊開個窿位,大小剛剛好當然最隹,太大就要用黑色膠紙貼實固定。

STEP 4:手電配合

折射會令投射出的影像上下倒轉,iPhone的朋友可利用AssistiveTouch的旋轉屏幕功能解決,Android用家可在Google Play找關鍵字「Rotation」,下載到同樣功能的App。

STEP 5:手動微調

完成後把電話用電話座放好在鞋盒內就OK,距離會影響投射出來的映像是否清晰,這方面要自己調整。效果當然不及專業機器,但未算最差,有興趣都可以動手玩玩~

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!