Flash

【Flash停運】無Flash用!中國大連火車慘要全線停運 最後竟然要… 網民:點解唔一早用國營系統?

熱話

廣告

【Flash停運】Adobe同MS 早係3年前就宣布會停止支援Flash,並宣布在 2021 年全面停用。唔知中國瀋陽鐵路局係唔係忙於發展內循環,導致一直冇理adobe嘅告示,最終就導致今次大連全線火車癱瘓⋯⋯

撰文:Andy|圖片:大連車務段微信、微博截圖 |編輯:海月

【Flash停運】無Flash用!中國大連火車慘要全線停運 最後竟然要… 網民:點解唔一早用國營系統?

大連鐵路於微信公眾號「大連車務段」發文,稱在1月12日晚8點,收到車站調動人員回報,發現調動車輛的系統頁面無法正常顯示。因而導致無法制定列車編組和編排列車的調車計畫。

Flash停用導致 中國大連火車全線停運

官方食咗誠實豆沙包 瘋狂自爆醜事

經調查後發現與Flash全面停用有關,大連鐵路局為求請功,於貼文中將維修補禍描述為「成立特別的『技術小組』,用了近 20 多小時,不眠不休『搶救』問題。」「親自駕車將成功安裝的電腦送到車站現場測試。」

Flash停用導致 中國大連火車全線停運

可能係官方食咗誠實豆沙包,直接於貼文中寫「接着更要解決『Ghost 版電腦』問題」,變相承認大連鐵路局一直用盜版Windows軟件。

Flash停用導致 中國大連火車全線停運

其後,官方更坦承所謂嘅解決方法,原來只是在系統安裝舊版 Flash player 執行檔。原來僅僅係安裝個舊版Flash就要不眠不休用20個鐘頭,真係辛苦「技術小組」人員啦。

 

網民感到不滿,諷官方「喪事喜辦」

有網民不滿官方貼文明明係有錯,仲要喺度認叻,可謂係喪事喜辦。部分網民睇完後突破盲腸指「一個地區鐵路系統的列車調動系統竟是用 Flash 寫的?」、「Flash 要停用至少宣佈 3 年以上,怎麼都沒有技術人員提早發現。」呢件事被中國網民封為「2021 年開年最歡樂的科技新聞」,但相關評論都已經被有關部門屏蔽。

而大連鐵路官方微信公眾號已撤回該文章,並一改口風指責傳媒發布失實資訊。 Flash停用導致 中國大連火車全線停運

YOU MAY ALSO LIKE ...