人生馬拉松

【塵山衝】聽得出嗎?Eason”人生馬拉松”教曉毒L/振英都要知5件事

熱話

廣告

【有跑未為輸by塵山衝】第一次同大家見面,山衝就講講呢排Eason首跑者必聽必感動新歌〈人生馬拉松〉(同時係渣馬20週年主題曲)。「如果你想改變你的人生,就跑個馬拉松!」(某跑者)、「跑步成了我生命的一部分,是我愛的人、要追的女生。」(歐陽靖,台灣著名女跑者、作家)、「在每個人個別被賦予的極限中,希望能盡量有效地燃燒自己,這是所謂跑步的本質,也是活著(而且對我來說也是寫作的)的隱喻…」(村上春樹)。跑過才會懂,係好多跑者對呢首歌嘅前設,不過本人覺得,其實一直以嚟,跑步同做人都好有千絲萬縷嘅關係,無論係跑路定跑山,劉華都講過:「人品好牌品就自然好。」套到跑步上,都係一理通,相反亦然:「跑品好,人品自然好。」所以愛跑步或跑步叻嘅人,人品真係唔會衰得去邊。講咗咁耐,入正題,咁首〈人生馬拉松〉除咗係封致跑者嘅動中情書之外,重令唔跑嘅人有咩學到?又教曉咗毒L、振英哥要知啲咩?

1. 「沉迷還是幼稚 根本不介意 願到最後我知 鍛鍊裡的意義」

其實而家啲人所指嘅毒男宅女,都係因為沉迷某樣嘢,只不過嗰啲嘢喺大人眼中,係好無聊,重搵唔到錢。但自從達哥一句:「邊個話打機冇出息㗎!」之後,歷史從此改寫,係,所以有時沉迷同幼稚,係咪一定唔好?係咪一定要有結果?有時,個過程更加緊要囉!話俾大家聽,大人要用另一角度去睇後生嘅世界觀;後生嘅亦要睇下喺沉迷過程中有咩得著。

 

2. 「從高山深海 歡欣悲哀 走來 途中的姿采 總躲不開 多障礙」

照字面解,好易明。但我睇到嘅,反而係我哋真係要多欣賞香港嘅山山水水大自然,咩東北發展、人工島,根本都係破壞緊大自然!行過山嘅人都會知,香港嘅大自然真係靚到絕,而且世界聞名,鬼佬都讚絕,但反而香港人或香港政府自己就好唔珍惜,「總躲不開 多障礙」我反而係睇到創作者對香港要保護大自然景致嘅難度。

 

3. 「世界也許變了 有結果方會要 個個會跑會跳 奮鬥卻省掉」

「有結果方會要」,明顯係針對現時怪獸家長嘅「贏在起跑線」論,唔理你個仔女興趣係咩?志願係咩?家長都係大多以佢哋自己嘅意願為本,就係要向「醫生界」、「法律界」進發!就算個個都「會跑會跳」,本來都好活潑嘅,但始終都係「奮鬥卻省掉」,因為佢地都只係依照住家長嘅已set好path去行、去奮鬥,唔係為自己。

5套蝕到入骨嘅荷里活大片,你有冇睇過?

4. 「誰和誰在較量 根本搞錯了 沒法接受渺小 卻望老天照料」

香港政府一直都喺度自認為國際城市,又要建造文化特區,又話經濟樞紐,但事實係,只係盲目追求數字上嘅增長,最終只會「整死自己」!好似「自遊行」數字,人哋嚟嗰陣就打鑼打鼓,開晒香檳;人哋一唔嚟,就變晒成個死城,明顯,對旅容嚟講,香港根本已冇可引以為標記嘅吸引力,購物?購得幾多次,歷史標記、文化傳承、呢啲都已愈嚟愈少嘅時候,「卻望老天照料」?阿爺都幫你唔到啦!

 

5. 「無數次競賽 一波一波 湧來 誰可躲得開 一點一點 小意外」

高官大人成日講嘅「獅子山下精神」,仍然有用嗎?但時代唔同,肯搏肯捱已唔一定會成功!聽落好灰?但「人總需要勇敢生存」,或者今日香港年輕人需要嘅係「馬拉松精神」至真,無論係買樓定生活、政改定抗爭,就係要同你鬥長命,就似馬拉松,即係「明明全部氣力 一早消耗了 用意志力抵銷 卻又看出奧妙」!縱有「一點一點 小意外」,都係「總結在 我愛(香港)」!

香港人,共勉之哦!

塵山衝profile:唔識唱歌唔識做戲,純粹1名跑L,只識著起跑鞋衝衝衝!路跑山跑都愛,亦愛寫寫文,分享跑步感受;「有跑未為輸」就係左右銘。
內容延讀:

分半鐘搞掂?教你令白波鞋乾淨晒新嘅一樣

10個星分享做愛戲真相其實係…

YOU MAY ALSO LIKE ...

There are 4 comments

Add yours
  1. 新Monday / 【JUKSY】天冷運動瘦更快?5招抓住秋冬運動穿搭重點 - 新Monday

    […] 近年不管男女老少運動、健身已成為一股全民風氣,而所有運動比較起來,跑步算是「低成本」嘅運動;只要套上一雙運動鞋,再穿上合適嘅運動服裝,不需要昂貴嘅運動器材或是健身會費,就能跑出一身健康。喺冬天裡跑步,效果會比夏天更好!在夏天跑步雖然流汗量會比冬天多,但熱量卻消耗得比冬天還少。不過在冬天裡跑步可要注意啦!千萬要做好跑步嘅先前準備,否則一個不小心就感冒啦! […]


Comments are closed.